ياسعود واذبحي على المحقنية قصيدة لزايد العضياني الروقي العتيبي

[السلمي العدناني]

هذه قصيدة غزليه استشهد بها الشاعر الكبير زيد ين زايد العضياني العتيبي بوقعة ريام بين بعض قبائل ربيعة من سُليم وبين بني عبدالله من مطير وبالاخص الرحامين من بني عبدالله وريام هو جبل في حرة بني عبدالله وسبب العدوة أن الضبطان من مطير قتلوا ثلاثة من ذوي عواض من المطاردة في جبل شمنصير في مكان يسمى المحفورةوكانت هذه الغزوة اخذ بثارهم وقد قتل من الرحامين عدد كبير يتجاوز العشرين رجل .




ياسعود واذبحي من المحقنيـه = ذبحة سليم أهل القرى للرحامين
مالوا علاهم فالمـراح أدوميّـه = قطّاعة ٍ يوم الملاقـا متاقيـن
اذبحت ذبـح ٍ ماترقّـع رفيّـه= ذبحٍ خفا ياسعود من لابس الكين
راعي عيون ٍ يوم لـد ّن فيّـه =ماكنها الا عيـن حرالشياهيـن
والخد بـرّاق ٍ تفاهـق رفيّـه =من نوّ ليلي ٍ سرا فأول الحيـن
والردف شط ّ حوارة ٍ ساحليّـه =غاد ٍ عليها مقطع الروز طرقين
ماأنساه كود أنسى فروض ٍعليّه =ولا تجار الحظر تنسى الدكاكين
ليته عطاني حبة ٍ مـن شفيّـه =قبل العمال وقبل رجح الموازين





وقد قال الشاعر مشعل ابن غبيش الرحيمى المطيري هذه القصيدة في هذه الوقعة :




خيّل خيال يا عوض صبح لا عاد =بين الطوال وبين خشـم القنينـي
ثعله رصاص ودم والملح الأوقاد =برقه ورعـده يفجـع النايمينـي
على صلاة الصبح خيّل بـالأولاد =معهـم بنـادق مالهـن حتينـي
شال الحلال وشال ما خف من زاد =وشال الأبكار مجروعات الحنيني
وحنّا أربعة لكن قمنـا بالإسعـاد =وجبناالقضى من قومه البايقينـي
نهـار جونـا واعتزانـا بعبـاد =ثمانيـه مفعولـنـا باليميـنـي
رزيق ابن هندي وعايض بالأوكاد =وفالح وابن عضيـب يالغانمينـي
وثابت ثبت في مطرحه عند عياد =مشهود خـوف شهادةالمستنـي





وكان قد رد الشاعر والفارس بريك الفني المطردي الربعي السلمي على مطير بهذه الأبيات :






يا اللي تمدح عند منسوف الأجعاد =وا ربعك اللي مثل ضلع زبينـي
جوهم ربيعة مثل ثعل ليـا انقـاد =مثل الصواقع في الخيال الرزيني
يوم التقانا العـد بالعـد مـا زاد =ومفعولنـا ثمانيـة باليميـنـي
والضبعة النمراء طرحنالهـا زاد =قاعة مهيـد ريـام زاد وتينـي
يا ذيب أكل حمدان وأخوان عيـاد =تعشهم يا ذيب واصبـح بدينـي
وخلوك يا عياد في حجر شحـاد =فقران ماحي والعـرب مغتنينـي
وياحال ألاد رحيم ياحال الازهـاد =في سوق رابغ نزلـوا بالقطينـي
وكم عبدليه جرة الصوت بجهـاد =وكم عبدلي أمسى يجر الونينـي




الذين شاركوا في العدوة هم بني نوال فقط من قبيلة ربيعة ولم يشترك الجذم الثاني بني سري وكان قائد بني نوال في المعركة الامير / هندي بن مخضور أمير بني نوال وقد شارك فيها من بين نوال قبيلة الصدر وقبيلة المطاردة وقبيلة الزحمة ولم يشتركوا معهم قبيلة الاذينات
حمدان : من كبار الرحامين
عياد : الامير عياد الرحيمي امير الرحامين وقد قتل أثنين من اخوانه في المعركة

[ابورازن فالمريخ]

لاهنت على الايراد ونعم بجميع من ذكر

[الامير حريبيش]

صيور الايام يوم نصر ويوم هزيمه

[ولدعساف]

لاهنت على الايراد ونعم بجميع من ذكر

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها