الشاعر مانع الخالد&وخلف المشعان

[ولد الضيغمي]

السلام عليكم ورحمة الله وبركاته

صار فيه مشكلة بين الشاعر : مانع الخالدالشمري و الشاعر : خلف المشعان العنزي وحصل سوء فهم ... وبعد أن صفت القلوب أرسل مانع الخالد قصيدة إعتذار للمشعان ،،،، وبعد كذا ردّ عليه خلف المشعان بقصيدة وانتم الحكم


وهذي القصيدتين......

الشاعر : مانع الخالد ....




انا اعتذر وادري الخطا بعض الاحيان

اكبر من فراق الخليل وخليله

اقسم بربي كان تفكير شيطان

زله وعدت ليت نقدر نشيله

خلف وربي داخل القلب ميدان

مابه سوى حبك يطارد بخيله

تدري بقلبي لنطقوا ولد مشعان

يسوى كثير وقول يسوى قبيله

يالعنبو جد الزعل كيف الانسان

يضحك وفي قلبه سوات المليله

لو مالميانه كان مافاضت اركان

حتى غشاني زود طيبك بسيله

انا اعتذر ؟؟؟ ايه ؟؟اعتذر وانس ماكان

والعن ابو شعري ولابو حصيله

يا لعن ابو كل القصايد والاوزان

كانه زعل من هو يساوي قبيله



ورد الشاعر : خلف المشعــــان ....


اكبر خطا .. عذرٍ .. يجي بين الاخوان !!




................... لا صرت اخوي .. وتعتذر لي .. .. فشيله

مخطي .. اذا ظنيتني .. كنت زعلاااان
.................... حيشاك .. والله .. مايجي .. منك .. عيله
غلطان يومك .. تعتذر .. ماانت غلطـان
....................... ماابي عدوّك .. منك .. يشفي .. غليله ..!!
ابك انت لو وزنت .. قدرك .. بميزان
.................... عجزت .. موازين .. المحبه .... تشيله
نسل الطنايا .. مايجي منك .. نقصان
..................... النقص .. يلفي .. من خطاة .. الهبيله
السالفه ماهي قصايد .. وقيفاااان .. !!
...................... عشرة / وعيش / وملح .. ماهي قليله
" اضرب على الكايد .. لياصرت .. بحلان "
.................. وانا عضيدك .. لا عدمت .. الوسيله .. !!
الطيب .. مبطي .. بين شمر .. وويلان
..................... كل .. القبايل .. تعتبرهم .. (( قبيله ))


ووالنعم والله ياعيال وآيل..ونعم بشمر... وبالقبايلنا حظر كانوا ام بدو


دمتم بود

[مشاري الحبردي]

مساجلة طيبه بين ولد الطنايا وولد عناز ,,


بيض الله وجهك ووجيهم ياولد الضيغمي

لاهنت

[ولد الضيغمي]

ووجهك ابيض يا مشاري

ومرورك شرفني

[عبدالمحسن العنزي]

الضيغمي صح لسانك ولسان الشعراء الله يعطيك العافية ... تحياتي لجنابك العزيز...

[ولد الضيغمي]

صح بدنك والله يعافيك

وشاكر لك على مرورك الشريف