وردّّ سلام المرشدي لاصحابه

[المـرشدي]

وردّّ سلام المرشدي لاصحابه
وأقرأ عليهم ماورد بكتابه

اليا وصل لأهل الوفا والطيبه
وجهه الوصل والصد مايتشابه

و ا ن جاء خجول عن غابي يسأل
المرشدي وش فيه طال غيابه؟؟

أقول تكفى لاتعبر عني
طالبك تكفى لاترد الجابه

مابيه لايحزن ولايتكدر
ولاتشتكي عينه طرف جلبابه

قله مسافر مير يمكن يرجع
ولاتفصّل بالكلام أيجابه

لاتقول صار الحزن زاد(ن) يومي
والضيق يصبح معه ويمسابه

ولاتقوّله ضاق الفضا بعيونه
والياس قفله صك دونه بابه

والعفو ضيّعته يدين القدره
والعيد غير العيد ويسمابه

لكن قله ياذخاير جدي
يمكن سحايب صيفنا الكذابه

تمربه ويخيلها وتعدي
وتغيب ضيقة خاطرن تنتابه

ويصير بدروب الامل له رجعه
يجي على شانك يحث ركابه

[خالد@الدلبحي]

قصيده جميله
وصح لسان قايلها

وشكرا لك على نقلها لنا بالمرشدي


تحيتي

[المـرشدي]

لاشكر على واجب

والله لاهنت على الرد الجميل

[سيف نت]

صح لسااااااااااااااااااااانك

[خالد بن مورق]

صح السان شاعرها لاهنت على النقل

[المـرشدي]

اشكر كل من رد

والله لايهينك على الردود الجميله

[فيحان العرط]

صح لسان الشاعر وسلمت يمينك يافهد ولاهنت على الانتقاء الجميل

[محمد الذيابـــي]

صح لسان االشاعر

التوقيع

التوقيع محمد الذيابـــي

[المـرشدي]

اشكر فيحان العرط

على الرد الجميل

والله لايهينك

واشكر كل من رد

[ولد الضيغمي]

قصيده رائعه وصح لسان قايلها

لاهنت يا المرشدي