السلام عليكم ورحمة الله وبركاته
مساء الخير ومبارك عليكم ما تبقى من هذا الشهر الفضيل
لا اجيد المقدمات واترككم مع هذه القصيده
شياطين شعري وهقتني بشهر الصوم=و الا يالله اني طالبك فك لي شيطان
بأعرّج على شعري وانا ماني إبـ . نجوم=بعد ما اتَتَروّح بأتهرج مع القيفان
لعل وعساي احضا بها قبل وقت النوم=وعسا ترتقي في مستوى ذائقة سلطان
زعيم ٍ تَقَربْهْ القصايد إفراد وتوم=تهيزل مقام ارواحهن لو هن اسمان
والا يا قصيدي في مقامه غشاك اللوم=تقلط ترى لك قبل تاصل مقامه شان
والا يالطويل آقف لقدرك غلى واقوم=على ساق رجلي فأحترامك يا ابن عيدان
وابهدي تحياتي وذا واجب ٍ ملزوم=تحيات ود ٍ تنحني لك من السفطان
تخاضع لوجهك وانت زحل ٍ ولد زيزوم=الا يابن من ذكره تغنو به الركبان
اناجيك بالقيفان وارجيك يوم ويوم=اخصك بصوتي عمد من بدت الشيخان
واقول الفزع يا شيخ جوي عليه غيوم=ايلين التفت لي من سمعني من العتبان
وانا رد لك صوت ٍ غشا جوي المهموم=ايلين انقلب حزني على ما بقا دخان
فأنا اصيح تكفا يا أخو تركي وانا مزحوم=قضا الصبر مني وانت ظل وذرى وإكنان
تصددت بس الوقت زاد الثلوم ثلوم=وعودت لك يا سيدي راجي ٍ مشتان
وجيتك إبوجه ابوك وابجاه كل القوم=من الاد عاصم وانت شيخ ٍ ولك مزبان
هذا الطيب يا راعيه واجر ٍ بشهر الصوم=واذا ما سمعت الصوت ابثنيه يا سلطان
مانع إبن شلحاط