قصيدة جديدة كتبتها بتاريخ 29/9/1430هـ
اهديها لاخواااني الكرام بمنتديات الهيلا
آمل أن تحوووز على رضاكم واستحسانكم.
شفت عمرالعتيبي يشجعني وقلت لازم اكتب قصايد
ههههههه
اترككم معها:
ياهل الهوى والعشق وشهو علاجه = وشهو علاج الحب والعشق بالذات.
فكري من البارح معكّر مزاجه = والقلب فيه من الولع عشر طعنات.
كله من اللي يوم يضحك حجاجه = اسهوم حبه تطعن القلب بسكات.
طعنة سهوم الموت يوم المواجه = في حزةٍ فيها كثير من الاموات.
حزة وغى ماعاد فيها انفراجه = الا بعد هجمة وهجمة وهجمات.
وفوز وهزيمة يوم ثاير عجاجه = وكلآ يحقق مااستطع من بطولات.
وكلآ يميز مخدله من خراجه = احدٍ كسب واحدٍ كسر فالملاقات.
ياروح روحي من يناجيك ناجه = لاتتركه واتروح فالمهمهيات.
تشرب قراح الماء ويشرب هماجه = باسباب حبك ياجميل الجميلات
عندي مقامك عالياتٍ دراجه = ماتخلفه هرجة حسودي وشمات.
ماقدر على فرقاك في كل حاجه = لو نص ساعه فأي وقت من الاوقات.
بعدك مسبب لي هلاك ولجاجه = وشوفك ينسيني غلا ابوي لامات.
شوفك على متني مقصٍ بتاجه = رتبة لواءً إلها تدق التحيات.!!
اسمع كلامٍ ماحصل به عواجه = وعطني جواب ارسالةٍ جتك ماجات.
مايتبع المقفين غير الدجاجه = كلمة نقا عن 1000 كلمة دعايات
التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|