//@ ســـــلاااام @//

[رعد الروقي]

سلام ردية على الشعار شر من الشرور=اللي تبا تملى يده واللي تبا تملى فمه
ما كل كوكب ينبعث له فالسماء والارض نور=بعض الكواكب من قديمات الليالي مظلمه

[النشاب]

المشاركة الأصلية كتبت بواسطة العمــــــدة

سلام ردية على الشعار شر من الشرور=اللي تبا تملى يده واللي تبا تملى فمه
ما كل كوكب ينبعث له فالسماء والارض نور=بعض الكواكب من قديمات الليالي مظلمه

يا مرحبا لكن أنا بنشدك عن كلمة مرور = ولاعاد به شر وشرور الا كلام وهمهمه
ان جيت يالعمده على ظني فبذبح لك جزور = الوضع يالعمدة ترى حساس لازم تحسمه

[رعد الروقي]

بقيت ياللي كل همك بس تسجيل الحضور=حتى الفضاء ماشفت لا بدره ولاشفت انجمه
عساك يالنشاب حوت تعوم في هوج البحور=وان لـزّم الموقف وجودك ما يشابه لعدمه

[سنافي الهيلا]

المشاركة الأصلية كتبت بواسطة العمــــــدة

سلام ردية على الشعار شر من الشرور=اللي تبا تملى يده واللي تبا تملى فمه
ما كل كوكب ينبعث له فالسماء والارض نور=بعض الكواكب من قديمات الليالي مظلمه

بعض الكواكب من قديمات الليالي مظلمه

هههههههههههههههههه

صح السانك بس ترى وصلولها الكهرب

ياصديقي

ماصارت مظلمه مره

أخوك السنافي

تحياتي و اشواقي

[رعد الروقي]

سنافي الهيلا /الله يحييك وصح بدنك يا غالي وصدقني ماعندي خبر عن وصول الكهربا هناك /اللي اعرفه انها موقــّفه والوضع تحت الدراسة /الف شكر لك

[النشاب]

المشاركة الأصلية كتبت بواسطة العمــــــدة

بقيت ياللي كل همك بس تسجيل الحضور=حتى الفضاء ماشفت لا بدره ولاشفت انجمه
عساك يالنشاب حوت تعوم في هوج البحور=وان لـزّم الموقف وجودك ما يشابه لعدمه

ياللي تخيل النجم مدري كوكب الزهرة فجور = بعض النجوم اللي تخايلها تراها مبهمه
ياليت يالعمدة توضح خطكم بين السطور = والا بعيفك الكتابة والورق والمرسمه

[فارس القوم]

المشاركة الأصلية كتبت بواسطة العمــــــدة

سلام ردية على الشعار شر من الشرور=اللي تبا تملى يده واللي تبا تملى فمه
ما كل كوكب ينبعث له فالسماء والارض نور=بعض الكواكب من قديمات الليالي مظلمه

ياسلاااااااااام والله البدعه المجنونه دايم هجومي ياالعمده
صح لسانك وصح لسان النشاب

[سـامــي النفيعي]

الله الله

متابع وبشوق لهالمحاورة ..

ولاهنتوآ يالشعار ..وعساكم على القوة

[عبدالله الجـــذع]

العمده سَلِم راسك على هالبدعه



صح لسان قبيلك

وبانتظار ليله جميله


محبكم

.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا