انا عتيبي

[البدر العتيبي]

بسم الولي نبدى المثايل والامثـال

رباً خلـق كـل النفـوس وكفلهـا

رباً خلق في الناس اجناس واشكال

احداً يعز النفـس واحـداً رذلهـا

واحد لخويه يبذل الـروح والمـال

واحداً مواثيـق الصداقـه طملهـا

وباقلهم انواع فـي عـز واجـلال

وباقلهـم انـواع واجـد زلالـهـا

واذا اجتمع دين ومراجل برجـال

قـدره مطاليـع الثريـا نزلـهـا

واذا خسر دين ومراجل ولو طـال

جوف الثريا ينزل ولو عاش اكلها

قلته وهذا صدق والصـدق ينقـال

والدين وصى كلمـة الحـق قلهـا

والي حداني أتبع ارسـال برسـال

رجلً مواثيـق الصداقـه جهلهـا

ولاهي غريبه يوم اداريه فالحـال

لجل الرجال اترك خثـارق هبلهـا

ماهوب كفولي وحتى ايش لو قـال

الحر عينـه فـي مواكـر جبلهـا

وانا عتيبي كان عـدت بالافعـال

والطيبـه تلقـى العتيبـي فعلهـا

من نسل ناساً تفخر العـم والخـال

برقا وروق اهل المواقيـف اهلهـا

كبيرهـم تلقـاه للميـل عــدال

وصغيرهم لاقـال حاجـه زهلهـا

مالو على عربان في قاعة(الخـال)

واخذوا شواهيق الجبـال وعبلهـا

ويوم العزاوي كنها وصف همـال

على طلال جمـوع ربـي خذلهـا

ويوم على عروى بالقفا والاقبـال

ناساً غزونا ثـم كسرنـى جملهـا

وايام في حصن الاحساء كل الاقفال

مافكـت اللـي لااغزيلـه قفلـهـا

وايام في واد الرشا شـب شعـال

كـم روحـاً جالهـا مـن نسلهـا

وايام في مكـه وجـده تورسـال

سقنى الشريف ولا انفعتـه دولهـا

هاذي رموز ماتبـي زود تفصـال

عن فعلنـا بالفعـل نقـدر دبلهـا

واليوم في حكم السعودي هل الفال

كلاً يقول انا الوليـده وانـا الهـا

والخاتمه يالـي تحملـت الاثقـال

جتك العلوم وصرت مضرب مثلها

وتراك تاتنشد عن القيـل والقـال

ويوم القيامه كـل نفـس وعملهـا



وسلامتكم