الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > شعر المحاورة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

موضوع مغلق
أدوات الموضوع انواع عرض الموضوع
غير مقروء 29-Feb-2008, 09:08 PM رقم المشاركة : 1
معلومات العضو
بندر المرشدي
إدارة الأقسام الأدبية
إحصائية العضو





التوقيت


بندر المرشدي غير متواجد حالياً

افتراضي المحاورة المييزة لهذا الاسبوع

جمهور المحاورة الكريم

نضع المحاورة المميزة التي تم اختيارها من قبل إدارة المنتدى كأفضل

محاورة جرت في القسم خلال الاسبوع المنصرم


بإسمكم نشكر شاعريها ونتمنى لكم التوفيق





سلطان الجذع


يالفالح اللـي لاتكـل ولاتمـل ولاتهيـد=واصحابنا أهل المنتدى عاقبتها وأذيتهـا
خيّل لك بنفسك على أنك كنك العالي رشيد=العنكبـوت بعينهـا لابيـتٍ الا بيتـهـا



علي العضياني الفالح



أنا ليا حصّلت لي فالمنتدى شاعر عنيد=سوّيت به سواتي اللي فيك قد سوّيتها
اللي يعاند مثل سلطان الجذع ما يستفيد=عيونه الثنتين قد كحّلتهـا وأعميتهـا



سلطان الجذع


شكرك على الميدان ياحميدان والسيف الحديد=بعد الحصاه اللي من جبـال ألهـدا دربيتهـا
مادام عاندت الجذع ماحظك الحـظ السعيـد=وانته جروحك من زمانٍ فـات مادوايتهـا



علي العضياني الفالح




مضراب سيفي فالرّقاب من الوريد ليا الوريد=وانتـه تهدّدنـي بسكّينتـك مـا حدّيتـهـا
انته و عيد العازمي يومٍ جمعكم يـوم عيـد=وأنـا ليـا حصّلتكـم ذبيحـتـي ذكّيتـهـا
سلطان الجذع



من غير اكرر في كلامي ياولد ثعلي وأعيد=أثرك مجرم حرب ..بالسيف العباد انهيتها
لاجاك منا واحد ..يذكيـك تذكـاة الهريـد=انت المصايب كان ماجت لك عنيت وجيتها



علي العضياني الفالح


ألاّ على فكره لماذا تسـرق ابيـات القصيـد=الناس ما تجهـل بيوتـي كـل مـا غنّيتهـا
لو جت لك الدنيا على اللي تشتهي و اللي تريد=ذبحت لك ناسٍ على كيفك و نـاس احييتهـا


سلطان الجذع



أسرق لو أني في بنوك العرف ماعندي رصيد=إنا الذي من حر مالـي كـم نفـس اغنيتهـا
انته تعرف ان اطيب الفرسان صاحبك أبو زيد=يحـي بفعلـه قـوم يالفالـح وقـوم يميتهـا

علي العضياني الفالح




يوم إنّ مالك حسب ما تزعم كثر مال الوليد!!!=وراك تسـرق ؟ والقضيّـه عندنـا تثبيتهـا
أهبّ لو انّك يابن عسّـاف ذو بـأسٍ شديـد=تحيّـة الاسـلام لـوّ تمـرّ ... مـا ردّيتهـا



سلطان الجذع

كل الحكي ينعاد وانا اخوك مايطلع جديد=شوف الاسامي .ذاهبه للغير لو سميتها
ماتنطقه محفوظ كله مع رقيب ومع عتيد=وكلمتك هذيه على غير السنع سريتهـا



علي العضياني الفالح



انت اعترف باللي حصل لا ترتكي على الجحيد=قـدّام بكـره تقطـع يمينـك ليـا مدّيتـهـا
انا توقّعتـك كـذا واظنّهـا مـا هـي بعيـد=دايـم ظنونـي مـا تخيّبنـي ليـا ظنّيتهـا















التوقيع
يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان

::

ديواني من إعداد الزميل/ عمر الدغيلبي ... بيض الله وجهه
غير مقروء 29-Feb-2008, 09:11 PM رقم المشاركة : 2
معلومات العضو
معجب العتيبي

مشرف منتدى المحاوره

المحاولات الشعرية

إحصائية العضو





التوقيت


معجب العتيبي غير متواجد حالياً

افتراضي

كانوا ولا زالوا مبدين

وانا قبلك اخترتها ونسقتها لشدة اعجابي فيها


يستاهلون وعقبال شعراء المنتدى الباقين


للامام يابندر المرشدي

للأمام يالجذع والفالح

للامام يامنتدانا الغالي















التوقيع
اضغط على الصورة لرؤيتها بالحجم الطبيعي
غير مقروء 01-Mar-2008, 11:32 PM رقم المشاركة : 3
معلومات العضو
علي فلاح العضياني

مستشــار ادبي


الصورة الرمزية علي فلاح العضياني

إحصائية العضو





التوقيت


علي فلاح العضياني غير متواجد حالياً

افتراضي

بندر المرشدي




اشكر جزيل الشكر على المجهود الكبير اللذي تقدّمه لخدمة هذا القسم


ويعطيك الف عافيه















موضوع مغلق

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »01:15 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي