ياصفحة الشعر ضمي حبر الاقلامي=من هاجسي بالقصيد ابيوت بانيها
ابيوت شعرٍ تحطم كل الارقامي=تطلع علي قمة الاشعار تخفيها
تشكلت من ضلوعي مثل الانسامي=واستوطنت فالكتاب وجيت اغنيها
سطرتها بالشموخ وصارت أهرامي=وكتبتها بالذهب لعيون قاريها
نقدتها من بعد توريد الألهامي=وصدرتها بالحروف وبان خافيها
توقيع فكري عليها بصمة ابهامي=كثفت جهدي علي قوة معانيها
البال مسرور والافراح قدامي=في مُلتقى عتيبه الهيلا مباديها
عشرين عشره نسيّر فوق الاقدامي=علي ديارٍ تنومسنا حكاويها
نسعد بقو التلاحم بين الاقسامي=ونفرح بشوف الابل لاجاك راعيها
يحدها بالصياح وترزم ارزامي=تمشي علي كيفها تلقى مفاليها
الوضح مثل السحاب وتروي الظامي=بالشوف ماودك الا مناظر(ن) فيها
والشعل صفت عساكر جيشنا السامي=والصفر كبر الجروم وزين احاليها
والسود مثل الجبال وتاخذ أوسامي=بطول الرقاب وتميز في مماشيها
مِلاكهـا ترفع الرايات واعلامي=بأسم الفخر والشرف جينا نهنيها
اللي محافظ عليها طول الاعوامي=واللي مجمع ملايينه وشاريها
احيو تراث القبيله ماض الايامي=أجدودنا من حصيل الدم تجنيها
فيهم شجاعه تسجل معنى الإقدامي=تِتعب ضهور الاصايل من غزاويها
في نجد تاريخنا ماجا بالاحلامي=الا فعولٍ تشرفنا ونحكيها
وباقي القبايل لها تقدير وإحشامي=تاريخهم فالجزيره عند راويها
المدح مايرتفع في صيت الاقزامي=والا الكبار يتحدث فعل ماضيها
واليوم امن وسلام بدين الاسلامي=حكامنا آل السعود الله يخليها
وجعله يعز الوطن من عامٍ ال عامي=ويحفظ ملوك السعوديه ويحميها

المشاركة الأصلية كتبت بواسطة محمد بن غازي (المشاركة 437004) صح لسانك يالملتاع .

المشاركة الأصلية كتبت بواسطة الفارس2000 (المشاركة 438118) صح لسانك يا ماجد على القيصدة الرائعة

عشرين عشره نسيّر فوق الاقدام=ـيعلـي ديـارٍ تنومسنـا حكاويـهـا

المشاركة الأصلية كتبت بواسطة علوم النشاما (المشاركة 438404) المدح مايرتفع في صيت الاقزامـي = = = والا الكبار يتحـدث فعـل ماضيهـا هذا البيت من الوزن الثقيل يعني ذهب 24 الملتاع صح لسانك وعيدك مبارك وقل امين ان الله يوفقك وتشارك بهذه الرائعه في الملتقاء

المشاركة الأصلية كتبت بواسطة علوم النشاما (المشاركة 438404) المدح مايرتفع في صيت الاقزامـي = = = والا الكبار يتحـدث فعـل ماضيهـا هذا البيت من الوزن الثقيل يعني ذهب 24 الملتاع صح لسانك وعيدك مبارك وقل امين ان الله يوفقك وتشارك بهذه الرائعه في الملتقاء

المشاركة الأصلية كتبت بواسطة ابو فهد المقاطي (المشاركة 438789) صح لسانك على القصيدة الجميله

المشاركة الأصلية كتبت بواسطة فيصل الحويماني (المشاركة 438820) صح لسااااااااااانك وبيض الله وجهك كفيت ووفيت ياالذيب