قصيدة جديدة ( مـلـتـقى عـتـيـبـة الـهـيـلا ) - الهيـــــــــــــلا *** منتدى قبيلة عتيبة

سههم العضيان · 10-Oct-2007, 02:39 AM


	هذه القصيده بمناسبة قرب اقامة مزايين قبيلة عتيبه واتمنى ان تسنح لي الفرصه بالمشاركه بها في الملتقى

ياصفحة الشعر ضمي حبر الاقلامي=من هاجسي بالقصيد ابيوت بانيها
ابيوت شعرٍ تحطم كل الارقامي=تطلع علي قمة الاشعار تخفيها
تشكلت من ضلوعي مثل الانسامي=واستوطنت فالكتاب وجيت اغنيها
سطرتها بالشموخ وصارت أهرامي=وكتبتها بالذهب لعيون قاريها
نقدتها من بعد توريد الألهامي=وصدرتها بالحروف وبان خافيها
توقيع فكري عليها بصمة ابهامي=كثفت جهدي علي قوة معانيها
البال مسرور والافراح قدامي=في مُلتقى عتيبه الهيلا مباديها
عشرين عشره نسيّر فوق الاقدامي=علي ديارٍ تنومسنا حكاويها
نسعد بقو التلاحم بين الاقسامي=ونفرح بشوف الابل لاجاك راعيها
يحدها بالصياح وترزم ارزامي=تمشي علي كيفها تلقى مفاليها
الوضح مثل السحاب وتروي الظامي=بالشوف ماودك الا مناظر(ن) فيها
والشعل صفت عساكر جيشنا السامي=والصفر كبر الجروم وزين احاليها
والسود مثل الجبال وتاخذ أوسامي=بطول الرقاب وتميز في مماشيها
مِلاكهـا ترفع الرايات واعلامي=بأسم الفخر والشرف جينا نهنيها
اللي محافظ عليها طول الاعوامي=واللي مجمع ملايينه وشاريها
احيو تراث القبيله ماض الايامي=أجدودنا من حصيل الدم تجنيها
فيهم شجاعه تسجل معنى الإقدامي=تِتعب ضهور الاصايل من غزاويها
في نجد تاريخنا ماجا بالاحلامي=الا فعولٍ تشرفنا ونحكيها
وباقي القبايل لها تقدير وإحشامي=تاريخهم فالجزيره عند راويها
المدح مايرتفع في صيت الاقزامي=والا الكبار يتحدث فعل ماضيها
واليوم امن وسلام بدين الاسلامي=حكامنا آل السعود الله يخليها
وجعله يعز الوطن من عامٍ ال عامي=ويحفظ ملوك السعوديه ويحميها

وسلامتكم

آخر تعديل سههم العضيان يوم 18-Oct-2007 في 02:27 PM.