ياوجد حالي ليا مني رقيت بـراس مرقـاب = عيني تويق الفضا والخاطر احزانـه تويقـه
يالله برحمتك يارحمن كان الجرح ما طـاب = القبر يمكنّه ارحم لي من اجروح(ن) عميقـه
ياراعي الجود أنا عبدك وظني فيك ماخـاب = يافارج الهمّ أنا شبّت علـى كبـدي حريقـه
عامين صابر على همٍ طلع نجمه ولا غـاب = تجمّع الهـمّ كلّـه فـيّ مـن بـدّ الخليقـه
وانا تعبت وضعفت ولا بقي لي قوة اعصـاب = وآخاف لا اموت قبل آقف على باب الحقيقه
لا قيل كيف انت ؟ قلت ابخير لو اكون كـذاب = والحزن يبدي على وجهي وصدري فيه ضيقه
أضحك مع الربع وأرسم بسمتي قدام الاجناب = وآحاول اسجّ وأنسى عالم اوجاعـي دقيقـه
ياخالق الكون يالفرد الصمد يـارب الاربـاب = طالبك لا تبتلي عزمي على شيءٍ ما اطيقـه
دخيل وجهك عن النكبات يا عالم بالاسبـاب = لا حول دونك ولا قـوّه ولا عنـدي طريقـه

المشاركة الأصلية كتبت بواسطة معجب العتيبي (المشاركة 784771) صح لسانك كيبورديه ابداعيه بس لاتقنط هههههههههههههه سنتين قليله

المشاركة الأصلية كتبت بواسطة عبدالله الجـــذع (المشاركة 785439) ابو طلال شامخه شامخه الله لايهينك وصح لسانك وفكرك وهاجوسك والله لايضرك ننتظر جديدك محبك .,

المشاركة الأصلية كتبت بواسطة عيضه الثبيتي (المشاركة 784796) صح لسااانك ياعبدالله يالله برحمتـك يارحمـن كـان الجـرح مـا طـاب القبر يمكنّه ارحـم لـي مـن اجـروح(ن) عميقـه : : وانا تعبت وضعفت ولا بقي لـي قـوة اعصـاب وآخاف لا اموت قبل آقـف علـى بـاب الحقيقـه أبداع..أبداع

المشاركة الأصلية كتبت بواسطة محمد العتيبي (المشاركة 784813) ياسلااام ياسلااام روعه % روعه % روعه امتعتنا بقرائتها شكرا لك ...

المشاركة الأصلية كتبت بواسطة بدر الكريزي (المشاركة 785042) يالله برحمتـك يارحمـن كـان الجـرح مـا طـاب القبر يمكنّه ارحـم لـي مـن اجـروح(ن) عميقـه بعد عمر طويل ان شاء الله.. عبدالله .. صح لسانك يا راائـــع..