دخيل وجهك

[عبدالله بن طلال]

كيبورديّـه جديده ارجوا ان تنال استحسانكم

ياوجد حالي ليا مني رقيت بـراس مرقـاب = عيني تويق الفضا والخاطر احزانـه تويقـه
يالله برحمتك يارحمن كان الجرح ما طـاب = القبر يمكنّه ارحم لي من اجروح(ن) عميقـه
ياراعي الجود أنا عبدك وظني فيك ماخـاب = يافارج الهمّ أنا شبّت علـى كبـدي حريقـه
عامين صابر على همٍ طلع نجمه ولا غـاب = تجمّع الهـمّ كلّـه فـيّ مـن بـدّ الخليقـه
وانا تعبت وضعفت ولا بقي لي قوة اعصـاب = وآخاف لا اموت قبل آقف على باب الحقيقه
لا قيل كيف انت ؟ قلت ابخير لو اكون كـذاب = والحزن يبدي على وجهي وصدري فيه ضيقه
أضحك مع الربع وأرسم بسمتي قدام الاجناب = وآحاول اسجّ وأنسى عالم اوجاعـي دقيقـه
ياخالق الكون يالفرد الصمد يـارب الاربـاب = طالبك لا تبتلي عزمي على شيءٍ ما اطيقـه
دخيل وجهك عن النكبات يا عالم بالاسبـاب = لا حول دونك ولا قـوّه ولا عنـدي طريقـه

[معجب العتيبي]

صح لسانك


كيبورديه ابداعيه


بس لاتقنط هههههههههههههه سنتين قليله

التوقيع

[عيضه الثبيتي]

صح لسااانك


ياعبدالله


يالله برحمتـك يارحمـن كـان الجـرح مـا طـاب
القبر يمكنّه ارحـم لـي مـن اجـروح(ن) عميقـه

:
:

وانا تعبت وضعفت ولا بقي لـي قـوة اعصـاب
وآخاف لا اموت قبل آقـف علـى بـاب الحقيقـه



أبداع..أبداع

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[محمد العتيبي]

ياسلااام ياسلااام

روعه % روعه % روعه

امتعتنا بقرائتها

شكرا لك
...

التوقيع

للتواصل عبر twitter تويتر al_bargawy@

[بدر الكريزي]

يالله برحمتـك يارحمـن كـان الجـرح مـا طـاب
القبر يمكنّه ارحـم لـي مـن اجـروح(ن) عميقـه

بعد عمر طويل ان شاء الله..

عبدالله ..

صح لسانك يا راائـــع..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[أبو فيصل الدلبحي]

عبدالله بن طلال ...

اسم اين ماوجد يتواجد الابداع بجميع اشكال

صح لسانك يالمبدع

والله يبعد عنك الضيق

[مرزوق الجعيد]

أضحك مع الربع وأرسم بسمتي قدام الاجنـاب
وآحـاول اسـجّ وأنسـى عالـم اوجاعـي دقيـقـه



صح الساااااااااااااانك

كتبت فابدعت

[عبدالله بن طلال]

المشاركة الأصلية كتبت بواسطة معجب العتيبي

صح لسانك


كيبورديه ابداعيه


بس لاتقنط هههههههههههههه سنتين قليله

وصح نباك يأبو سلطان ,,

والسنتين .. فداء امام مروركم السريع حيث شرفت متصفحي.

وكل شاعر طال عمرك يحبّ إن الناس يقرأون كلهم قصيدته ويغنونها

إن حصل !!! ولايتمنى ان يقرأها فحول الشعراء !! حيث العجيــــــــب

منهم !! خلال قراءة القصيدة الحزينه ، ربما يجدون اعظم مسببات الحزن

هي اشدّ محفزات الضحك على البليه هههههههه


الله يحفظك

ويحسن أجر من سمـاك

[عبدالله الجـــذع]

ابو طلال

شامخه شامخه


الله لايهينك

وصح لسانك وفكرك وهاجوسك والله لايضرك


ننتظر جديدك

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالله بن طلال]

المشاركة الأصلية كتبت بواسطة عبدالله الجـــذع

ابو طلال

شامخه شامخه


الله لايهينك

وصح لسانك وفكرك وهاجوسك والله لايضرك


ننتظر جديدك

محبك
.,

صح لسانك الله يحفظك





شرفتني وآنستني بمرورك الكريم





مشكور
وتحياتي لك دوووم