سر ياقلم وأكتـب بيوتـن منقـاه
يطر بلها السامع وتشرح له البـال
ذكر الولي بـأول كلامـي وباتـلاه
ربن خلقنا عارفـن كـل الاحـوال
سبحانه اللي تركع الخلق لرضـاه
عادل ميول الدهر كان الدهر مـال
هذي بيوتن لأغلب الخلـق مهـداه
اللي تعشق الطيب مع ز ين الامثال
الاولـه دينـك وخوفـك مـن الله
رجلن بليا الديـن ماهـوب رجـال
والثانيه الصدق والصـدق منجـاه
ينجيك مـن نيـة خبيثـن ودجـال
والثالثه صاحبـك حـذراك تجفـاه
لاجاك قولن مصدره شلـة أنـذال
الزم خويك وأفتـش العلـم و يـاه
واليا اعترفلك وقتها مابه اشكـال
وصاحبك لا قفـى ولقـاك علبـاه
تكبرن من دون ظرفن ولا اشغـال
أقطع حباله وأحـذر انـك ترجـاه
وبابن يجيبه سـده وحـط الاقفـال
ترى الكفو عيبـن يناظـر لماطـاه
ولا الردي معروف بأيـات منـزال
الذيب يسري لانوى وزان مسـراه
وياخذ من الجزلات مايعشق هـزال
عشرة بيوتن من هجوسي مصفـاه
قصدتها والقصد من شـان رجـال
وأهديتها للخلق مابغـى مجـازاه
نصايحن يشرونها النـاس بأمـوال
وذكر الولي بأول كلامـي وباتـلاه
صح لسانك