[شلفى شليويح]

[font=comic sans ms]

الحـق ظـاع وظيعـوه السفاهيـن
وراحت نوايا الحق في ظهـر قـلاب
واللي يسوقه ماقضى فوقـه الديـن
علـى دركسونـه لاودى ولا جـاب
وليا نشدته قـال لـك وظعنـا زيـن
والوضع ماهوب زين والوقت غـلاب
تقاطعوه أهل الخطى والغـى الشيـن
في معتقل سـدد وقـارب والأسبـاب
وجهة نظر تحمل هدف بين قوسيـن
ومرزوق ابن حمدان واقف على الباب
يصـد عنـي بعيـن ويلدلـي بعيـن
ويقـول عبلـة نجـد مليـانـةٍ داب
وأنا من اللي لاغـدى الليـل ليليـن
وكبـرة وفيهـا مايفيـدن الأطبـاب
وصاح الرفيق اللي خذوه الشهاريـن
والحرب ماله فالقـى غيـر حـراب
ألاد عالـي ملحقـيـن المخلـيـن
في شعبنا اللي قيظوا فيـه الأجنـاب
جينا من الحـره نسـوق البعاريـن
مافوقهـن ألا مجـاريـد الأرقــاب
اللـي مظاربهـن تفـج الشـرايـن
بيمننـا مـن وقعـت فيـه ماطـاب
وأنته يابـو حمـدان والله ونعميـن
يامرهي الدلـه علـى كـل شـراب
أمانتـي عنـدك يامـرزوق بيتيـن
لاتلحقك شرهـه ولا فيهـن أعتـاب
سلم على ابن حميد هو والرباعيـن
وصل سلامي معك عكفان الأشنـاب
أشيوخنا اللي يـوم فعـل الأكاويـن
يوم القبايـل بيـن هايـب وهيـاب
ويوم العلوم ألهـا مقـر وعناويـن
وسيفٍ يذل الخصم ويعـز الأصحـاب
ثم قل أبو ناشـي بلـش بالفريقيـن
غنى وظاقوا منه معجـب وعجـاب
وأنا ليـا منـي مدحـت السلاطيـن
يزيد شعري قـدر وجـلال وعجـاب
عقبـان نجـد مرجحيـن الموازيـن
اللي يحسب المجد لسماهم أحسـاب
أما تصافينا علـى العسـر والليـن
ولا تواعدنـا علـى راس مـرقـاب
حتى نعرف اللي عن الحـق غاديـن
ونملا فمي أهل الخطى منهم أتـراب
في منتدى الهيلا صعـوط المجانيـن
ماظاع حق ومن ورى الحق طـلاب[/font

]