[الشاعر فهد رحيم النفيعي]

بسم الله الرحمن الرحيم


السلام عليكم ورحمة الله وبركاته

أشكر الشاعر فهد بن رحيم النفيعي على مشاعره الطيبة والتي عبر بها من خلال قصيدته ف له

منى كل الاحترام متمني من الله ان لا يريكم اى مكروه

نحمد عظيم الشأن في كل الأوقات=ونقول لمحمد هنتك السلامة
شاعر علم يذكر بكل المهمات=وسجله التاريخ وأعلى مقامه
أليا مشى بالدرب في عز واثبات=وفي مجلس أهل الطيب يذكر كلامه
وجاهه مع أهل الجود مذكور ما فات=والمجد ناله واعتلى في سنامه
بنا مع أهل العرف صرح وعلاقات=وما لدّ عينه للحكي والنمامة
شاعر مصيف المملكة علم وثقات=وساير على المنهاج مخلف نظامه
يا شاعر الهيلا تسطر لنا أبيات=في كل ما قف كاسب(ن) لك علامة
شعرك تمييز عن هل الشعر بالذات=تضرب به الأمثال ما به ملامة
هذي مشاعر من فهد للوفي جات=ويقول لمحمد هنتك السلامة

رد شاعر الهيلا

يافهد الدنيا متاعب ولذات=فيها التسامح وألوفا والملامه
نصبرعليها بين ألاحيا والأموات=وتسحب خلايا دمنا بلا حجامه
أشكرك واهدي لك جزيل التحيات=ردآ على ماقلت حب وكرامة
ياكم رفعنا للمعا ريف رايات=فيها المحبة والصفا والشهامه
أشكرك واكتب لك صحيح العبارات=أتقدر الطيب وتزيد احترامه
وأناس ياريف النشا ما مقامات=وكلآ متى ماجد يبلغ مرامه
وانأ عتيبي وانتمي لذويبات=ولاني من اللي يدعون الزعامه
حياتنا يابن النفيعي محطات=واليا انتهت كلآ يطوي خيامه
وترى مكاسبنا ألوفا والمروات=وفعل الكرم تاجآ على كل هامه

تحياتي وتقديري للجميع
شاعر الهيلا وشاعر المصيف الأول الشاعر / محمد سعيد الذويبي العتيبي

الثلاثاء 18/06/1431 هـ 01 يونيو 2010 م[/quote]

آخر تعديل الشاعر فهد رحيم النفيعي يوم 02-Jun-2010 في 06:08 PM.