والله ماني لراعي الهرج مشتاقي ........... ولا احب راع العلوم اللي يلفقها
عن الضعافه نشوم وترفض اخلاقي ........... ولاني براعي لزومــاً مايحققها
ولـيا نزلـنا نـزلنا الـمنزل الراقـي ........... عادة جدودي وانا بالطبع لاحقها
والـرفقه اللي بدت تنقص وتنعاقـي ........... من عام الاول بدا يكثر تشققها
مـالت عـلى رفـقتاً ثلثينها اضـياقـي .......... والثلث الاخر مشاهيبه يلاحقها
تـدرون ابيـلي ذولول وقطعـة نياقـي ........... مراراجي قدمها ومرار الاحقها
واشوف هاذي تحـن وهاذي امـلاقـي .......... وأم الحوير ماخل البرد يغرقها
ادله مـع الذود واسلى معـه واشـتاقـي .......... مالي ومال الرماح ولا مزارقها
هات الحطب بس عندي واترك الباقي .......... بفرحـلي كبـود وكبـود بـحرقها
عبرت عـن مـا يدور بداخـل اعماقـي ........... ابيات شعراً من انتاجي مـوثقها
الشاعر / عبدالعزيز صنات شمروخ العطاوي