[طلال ناشي]

بعد التحية

أسعد الله أوقاتكم بكل خير

قصيدة بمناسبة زواج الأخ / حمود سعد مسعود الجداعي 29 / 7 / 1431 هـ - الطائف - الحويه

عسى أن تنال إعجابكم

قم يا عطالله عرض الفرت للخط = نبا الحجاز اللي مجا طول خطه
اللي أليروح ريحة النار ثم نط = ياسرع ياخالي مع الدرب نطه
عطه من البنزين حتى يعطعط = وليا مليته ثم نسفت المحطه
سره مثل مايسري الذيب الأمعط = اللي سرى والملح الأشهب يعطه
من كف عودٍ لحتمى ماقفه شط = عودٍ وفيه أمع الغرابيل شطه
وليا وصلنا لبق الفرت وقلط = وعنك التعب والسَهر ياخال قطه
في حلة اللي للمواقيف يشتط = يقلطلها لونها مستشطه
ماهوب لاجوه الطراقي تملط = ألا خروفه للمسير يحطه
الطيب بحر ومنتهى الطيب للشط = والبحر ابن مسعود والطيب شطه
يستاهل اللي درها مايخلط = عانيةٍ للعرس ماهيب قطه
من ذود عودٍ للجمايل مسلط = كم حاشيٍ قلط على الضيف شطه
يبرالها سعيد على الجيب الأرقط = ماداج فيها اللي ألسانه يمطه
أليا متلا ريع الخزاما المخطط = ترعاه لون الحكومه تخطه
ماهيب حلال اللي حلاله ملقط = ماشال راع الونش قال أبك وطه
والله اليفنا ماقفه معك ماغط = ماقف ولد مسعود محدٍ يغطه
عساه يبطي حي ياعطَي مالط = ولا الردي ياجعل بقعا تلطه

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com