[سعود منير المقاطي]

سلام ردية وفا كلها هيل *** امبهرة بالهيل في مبتداها
ومعطرة بالمسك طيب الرياجيل***يدهن شواربها ويدهن لحاها
تنصا رجال العرف جيل بعد جيل*** نسل الشيوخ اللي تعلا بناها
الشعر كيف وله دلال وفناجيل*** ادلال كيف اسوقها من غلاها
واصب كيفي للرجال المشاكيل*** ابوي وصاني وجدي علاها
الشعر في صدري مثل سبق الخيل *** اعسف خيولي زين واعرف مداها
وتصير ف الميدان خيلي مقابيل *** ويصير خيل الشعر كله وراها
ترى الوفا طبع الرجال الحلاحيل*** طبع الرجال اللي يذري ذراها
اتقدر المعروف وتوفي الكيل *** مثل المزون اليا استهلت ابماها
ومن لا وفى يصبر على العدل والميل*** دارت عليه من النشامى رحاها
وختامها عداد مايبدي اسهيل *** وعد النجوم السارية في سماها
صلو على المختار واقول تكميل *** اللي سكن طيبه ونور ثراها
.................................................. .................................................. .................................................. ......................
شعر: الأستاذ سعود منيرالمقاطي