السالم عليكم ورحمة الله وبركاته
قصيدة شاعر آل سعود الامير عبد العزيز السامر.في مسابقة ابو هلا ..يقول ..
الله يجيرك يــاذرا كـل خايف=في ساعةٍ ينشف بها الحلق والريق
الله يجيرك ياعـديـم الوصـايف=جـاهك ومـالك مـرتـع للمطاليق
مجـار يـاستر المـهـارالعفايف=بالعـزتـفـتـح مبهمات المغاليق
امجار ياللي بالـمـواجيب رايف=تحبهـا حـب الوحـش للشواهيق
ابو هـلا عندك كـبـار الحسايف=تقضا وتعتقها من الـهـم والضيق
يـابو هــلامنجا الدريك المهايف=يـاهـادي الغـادي لسهل الطواريق
يابوهلا في خـلـق سبع الطوايف=ماوثقو بالطيب غـيـر إنـت توثيق
للمرجله والطيب عندك وظـأيـف=مكارمٍ تبذل لـهـم دون تحقـيـق
وهذه مجاراتي
(الله يجـيـرك يـاذرا كل خـايـف=في ساعةٍ ينشف بها الحلق والريق)
امجـار ياللي ماحـسـب للكلايف=تشهد عـلـى ماقول كل المخاليق
قريت مكتوب ٍ نشـر بالصحـايف=طلعـت حـروفـه مثل نبت الزماليق
من شاعر آل سعود جزل الصرايف=يصرف ذهب من محكمات الصناديق
شاعر مايرضا بالحلول النصايف=راع الـجـزايـل متعبلّه سـوابيق
ابـوه دايـم فالمواجيب نايف=متربع ٍ في قـمة المجد ومويق
حاش المراجل بالسنين العجايف=فيه الكرم مثل المزون المدافيق
ابـوهـلا راع السيوف الـرهـايـف=يـا الله تكتب لـه بحسن التوافيق