[فهد بن حويفر]

وهذه قصيده آخرى يداعب بها صديقه مقعد بن غازي بن هميجان النفيعي..."


ياشـاعرن غـنـى طـواريـق ولــحـون
غنى بيـت ولا اكـمـل الـبـاقـيـاتـي
بيتن يهندب به هـناديـب مـشـحــون
واسند علي حروفه المـوجـزاتـي
وانـا عـلـى رد الـهـنـاديـب مـمـنــون
واتعب لبـو غـازي كـلامـن ثـبـاتـي
واقول ردي يابيض الوجه مـضـمـون
حــقـن عـلـيـه لــهـل الـطـايـلاتـي
مادامي ادري وش بـغـيـتوا تـقـولون
كــل الـدعـاو الـبـاقـيـه هـيـنـاتـي
وانـا يـابــو غـازي عـلـى مـاتـــورون
قلبي دليلي يوم عـيـنـي مراتـي
ودك بـدارن حـكـمـهـا حـكـم قـانـون
وبــنـاتـهـا بـالـجـنـز ومـحـامـيـاتي
وتسوق موترها مع اللي يسوقون
وتلبس قصير ولا تـعـرف الـعـباتـي
وصيقها يقطف ثمرها علـى الـهـون
ترقص معـه وفـخـوذهـا عـاريـاتي
ورجـالـهـا مـن ربـهـم مــايـخــافـون
قليل منـهـم حـافـظـيـن الـصلاتـي
لو كان فيها مـنـت يـاقـرم مـفـتـون
عزيز نفس وترفـض الـمـغـريـاتـي
مقصدك دكتورن علـى مـايقـولـون
يــعـالـج الـركـبـه عـلاجـن نـبـاتـي
لــكــن مــروا لابــغـيـتـوا تـروحـون
واعرف ترا الاعذار ماهي صفاتي
وانتم يابـو غـازي تـراكـم تـمـونون
والجمس واقف مانبي طايـراتـي
صالونا اللي ميـزتـه فـاتـح الـلـون
ابـيـض وبـيـج وكـلـهـن لامـعـاتـي
اللي محطه عنـد نـاسـن يـلـجـون
اهـل الـحـراج مـبـيـع الـتـالـفـاتي
حتى لو قالوا هـذا رجـل مـجـنـون
يـفـضـل الاول عـلـى الـتـالـيـاتـي
واني مبيعه لـو يـقـولـون مـلـيـون
دام الـسـفـر فـايـامـنا المقبـلاتـي
والله لسوقه معك وبليس ملعون
وان كان حنيته خـسـارت حـيـاتـي
واختامها اسلم ياسعد كل مغبون
وانا محمد مـخـتـلـف حـسن ذاتي

آخر تعديل فهد بن حويفر يوم 24-Oct-2010 في 12:38 AM.