[وصل الشهيب]

المشاركة الأصلية كتبت بواسطة محمد مذكر المغيبي

أتشرف بوجودي بين أخواني أعضاء منتدى قبيلة عتيبه الهيلا .


وأرجو التوفيق لزوار و أعضاء و إدارة هذا الصرح الشامخ .وأضع بين أيديكم هذه المتواضعه , أرجو أن

تنال استحسانكم

يااللي تقول ان السفر لي وسيلة = منه أطلاع وفيه تنسى البهاذيل
ماني خويك روحتي ويش هي له = سافر عساها يالسنافي تساهيل
أنا لياسجيت راعي طويله = في ديرةٍ تسوى هل الشام والنيل
دارٍ محبتها لروحي عديله = وكلٍ على داره يجر المواويل
شمالها العبله وواد الثقيله = وتحدها الفيظه من الغرب وكحيل
ديار ربعٍ يحتمون الدخيله = لطامة العايل وذباحة الحيل
إسمٍ عزيز وفخر من ينتمي له = ربعي متيهة البكار المباهيل
نمشي بها مانشتقي بالدليله = حنا دلايلها لياخرمس الليل
ونقضي بها كل الليالي الجميله = سجت قدم فيها مزوح وتعاليل
مع دلةٍ فنجالها ينعني له = تطرب لصبه في جديد الفناجيل
ماكثر الوزنه ولاهي قليله = متفنٍ فيها مدير المعاميل
في مرتعٍ توه توقف مسيلة = علية من نو الثريا هماليل
وسوالفٍ تشف الكبود الغليله = مابه وجود لراعي القال والقيل
ولا ترى الدنيا متاع وهزيله = عزي لمنهو جالها بالمحابيل
كلٍ بها طرقي وعابر سبيله = ولا ياخذ ألا ماكتب من محاصيل
وصلاة ربي عد وبل المخيله = على نبيٍ فصل الحق تفصيل

اللهم صلي وسلم على سيدنا محمد

الأخ الشاعر

محمد مذكر المغيبي

سفراً سعيداً عن صخب المدينه إلى البر البرير

وعوداً حميداً إلى من تحب

أنا أشهد إنك إخترت الديره اللتي تستاهل الحب وتستاهل القصيد

كل جزء من وطننا الغالي نجد به المتعه والراحه النفسيه

أدام الله على وطننا الغالي نعمة الأمن والأمان

صح لسانك

قصيده هادفه قامت بتأدية الغرض المطلوب

شكراً لك فقد أمتعتني

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي