[قاطع طريق]

الأخ / اصيل

بخصوص القصيده:

ألا يا حن قلبي حن فرت حن بالثاني

فهي من الأغاني القديمه للشاعر خلف بن هذال

على اسطوانات نجدفون

وتجدها في محلات الأشرطة التي تهتم بالأغاني القديمه

وللأسف الشديد أني لا أحفظها ولكن خذ هذه الابيات:

الا ياحن قلبي حن فرتٍ حن بالثاني = ضرب عرق النفود وفارق التمرين والراحات
والا يا حت قلبي حت حبٍ حته الجاني = بعد حت الورق يبست سنابيله وعرقه مات
والا يا لجتي لجت ضلوع الذيب سرحاني = والا يا تل قلبي تلتين وتلتين افوات

أما بخصوص القصيده الأخرى فإليك:

باسم نايب حرسنا بدر عبد الله نحيي به = محياً به وحيا به وحيوا به نكررها
يرحب بدر بن عبد العزيز وزاد ترحيبه = تراحيب الرجال اللي تعبر عن مشاعرها
تحت ظل الزعيم اللي نحوش الطيب من طيبه = تعلقنا المراجل واستوينا في منابرها
نهضنا نهضةٍ منها نودي العلم ونجيبه = على سطحٍ من المريخ والزهرة نزاورها
ملكنا من ملوك العرب بالحكمه نماري به = يحل المعضلات وكل ما تكبر يصغرها
صمد حكمه مثل ما يصمد الماء وسط انابيبه = ولا قطرة تضيع الا على الراحه مقررها
حكيم وحاكمٍ حكمه رسى والفهد يرسي به = فهد يرسي وطن ترسي ولا تجرح خواطرها
فهد وانت الفهد والعهد تافي به ونافي به = و أذل الله اصاغر قوم ما تخضع لأكابرها
حميت المسجدين وبكرة الثالث تصلي به = تأم المسلمين وصخرة المقدس تطهرها
على يدين اليدين وما مضى به فهد نمضي به = عهدنا مع فهدنا صورة فينا يناظرها
تعاهدنا ولو متنا ورانا من نوصي به = نموت ولا تموت عهودنا والجد ذاخرها
حفظك الله يا حافظ كيان العز والهيبه = كيانٍ عن جوانبه الفتن تقطع دوابرها
كيانٍ مادخل فيه الغلط والشك والريبه = ما يخبط خبط ضبط وربط وملوك بضمايرها
كيانٍ ما حصل بالعافيه حتى ونصخي به = حصل بمساومات أعمار ما تحصى خسايرها
كيانٍ قام من فوق الجماجم في مواجيبه = على بيعه ما هي بيعة غشيمٍ ما يدبرها
كيانٍ في ذراه الأمن يصبح به ويمسي به = والا يا كبرها نعمه ويشكر من يقدرها
كيانٍ يأوي الصاحب والا يا كثر اصاحيبه = وألا ياكثر عدوانه عسى الله ما يكثرها
كيانٍ كوّنه من دوّنه وابهم لواليبه = لواليب ابهمت والحل والفتل متياسرها
الا يا ذخر من سل الشطير وجاك يمشي به = على وضح النقا بالعدل والرايات ناشرها
يواصل بالنهار ويقتلب والليل يسري به = على قحص المهار الي مسودسةٍ حوافرها
وعلى مثل الأهله يوم تقبل به وتقفي به = على ما سيّر الله قايد الرحله يسيّرها
على صدره كتاب الله يناجي به ويدعي به = وعلى كفّه صواعق حق للدعوة يفجرها
تضاحك له خمايل نجد ضحك وغنج خطّيبه = وهو يضحك لضحكتها وبعيونه يخازرها
ليا قالت تعال اقبل لها وارسل مناديبه = عن الهفوات مصيونه وهو طاهر و وافرها
عشقها قبل ما ينقل مقص الشعر في جيبه = وهي عانس لكن الموت الاحمر تحت اظافرها
بعض عشاقها يطلع ولد ويكدها شيبه = وهو يطرد وراها بس خابرته وخابرها
لكن افلس وجاء منكف على ذلّ و مية خيبه = ولا يقدر مهرها الا خطيبٍ ما يشاورها
مصيبه ما تلين الا لقاسي راس ومصيبه = صحيح يفوز باللذات في الدنيا مغامرها
هذاك عقاب نجد وتدرك الصيده مخاليبه = ليا اومى له على قومٍ تقرط في خناصرها
هذا عبد العزيز و من وطى بالأرض يدري به = جزيرة وحملت به وولدت به مع مناخرها
رحمك الله يا جامع شتاتٍ كان في غيبه = تنثّر دمه أمواج الجهاله من خناجرها
ولو فنيت عظامه ما فنى سدّه وتركيبه = وضع له خارطه حرّه مربعةٍ عوايرها
عمرها من عياله من كمل عقله وتأديبه = مقادم دولة الاسلام والاسلام ناصرها
رجال السلم تدعي للسلام وتشرح اللي به = بنود السلم يبرمها سياسيٍ يصدرها
ورجال الحرب ترسم خطّته وتعرف اساليبه = توجّه للمعارك نار وتحرك محاورها
نعم بعضود فهد ومن يبيع برخص يشري به = عيال العود للواجب مجنّدةٍ عساكرها
دعايمها الفدا والروح في ساعه تفادي به = ليا حلّ الخطر باطرافها تصدع بأوامرها
ليا ضاعت علوم الدجل والفاجر واكاذيبه = طحاطيحٍ تعود أمجاد ماضيها لحاظرها
عضيد الفهد عبد الله عسى الأيام تبطي به = ليا فتحت علينا نافذة حجّه يسكرها
شربنا حب عبد الله عروق الدم تجري به = يعيش مع القلوب اللي تغذيه بعناصرها
رعاه الله وليّ العهد في وعده وترتيبه = ممسّح دمعة اللي جاه عن خدّه ينثّرها
ذراعه معنز الشايب وكرسيّه مراكيبه = تواضع والتواضع رحمةٍ ربك ميسرها
وفيه وفيه شر وخير ماضيةٍ تجاريبه = ومن لا توجد الثنتين فيه اصبح يدورها
على أهل الشر قطعة شر عشراوي مضاريبه = ولو لانت براميس الافاعي لا تكدرها
وعلى أهل الخير خير وعادته والخير يحري به = على وجهه وسامات الشرف تبدي بشايرها
أبو متعب تحقق مقصده وأردك مطاليبه = ليا قام بمهمّه جت من العنبر مكاسرها
ولا ننسى وفاء الثالث ما لأحدٍ عنه تجنيبه = مناصي من يناصي حاجةٍ ما هوب قادرها
ليا ضاقت نصى سلطان الأدنى من معازيبه = ابو خالد ليا طالت خطا الشّطه يقصرها
تحيات الثنا والشكر من شعبٍ يهلي به = زهور الورد من راسه ليا اقدامه يسطرها
بنى جيشٍ يرد الثار في يومٍ يثاري به = يكيد المعتدين وينطح الهيجا ويكسرها
على يقظة حذر جاهز بتسليحه وتدريبه = و ان قال الخصم أنا عنتر ترى حنا عناترها
عزايمنا تمكنّا وباسم الله نسمي به = على من غزه الشيطان والساعه نصفرها

وآسف إذا كان هناك قصور