[محمد العتيبي]

ألايالله أخرج موتري من نقا المظهـــــــــور=نقن شرس قدمي والمحاميل دقنـــــــــــــه
على درب شولن مايعود على المقهـــــــور=هجيج وتبا المسناد جاين لها رنـــــــــــــــــــه
تبا جفرة الصاقب هرايب تقول طيــــــــــور=تقول إن خشم الهضب قدمي يشوفنـــــــــــه
وأنا ساعة أنزلها ترى خاطري مســــــرور=بفضل الكريم اللي عطا عبده الجنـــــــــــــــه
حدانا الزمان الشين لين اركبن القـــــــــــور=حدود السعود مع العراق يتوطنـــــــــــــــــــه
على دربهن السقس يشكي التعب والجور=يقوس الخرايم والخرايم يبيدنـــــــــــــــــــــــه
أنا حالف إني ماارحمه لو قعد مكســــــــور=فدن للبكار الوضح ماهن بيفدنــــــــــــــــــــــه
على شان وضحن لأقبلت كنها الطابـــــــــور=على إيعاز واحد كل ماصحت فيهنــــــــــــــــــه
مدربهن اعراقي على عديهن مدهــــــــــــور=يلاعب جواد الخيل وهنه يبارنـــــــــــــــــــــــه

صح لسااانك


قصيده رااائعه جدا ..


تحيتي
..

التوقيع

للتواصل عبر twitter تويتر al_bargawy@