أسعد الله مساكم وكل عام وانتم بخير
طارووق رائع من الحفله الرائعة في الرياض قبل اسبوعين تقريبا وكان شعراها ( مستور وتركي وفهد وابن عقتان )
لفت نظري هذا الطارووق
هل مستور العصيمي غير رأيه أو تسرع في إطلاق هذا اللقب الضخم !! ام ماذا
عبدالله بن عتقان
الليل طرف ومستور العصيمي عنده اسرار = والسر في صدر مستور العصيمي شي ثاني
والعمر محدود والدنيا على ما قيل مشوار = والموت محسوب ما بين الدقايق والثواني
مستور العصيمي
الليل طرف ومستور العصيمي عنده النار = واللي يخالف طريقه ياسمه بين الاذاني
احسب حسابك يابن عتقان انا ماني بمحتار = والدرب معروف بين الجدي وسهيل اليماني
عبدالله بن عتقان
يا جار ياللي تهددنا عليك الهون يا جار = ماحد بقادر يقومني ويجلس في مكاني
العام وجهت للسلمان يا مستور رادار = اثرك من الضيق يا مستور للحرب تحداني
مستور العصيمي
حنا نبا ناخذ الاخبار ونجيب لك الاخبار = والسر مكشوف ما بينك وما بين السناني
يا ما قرينا من الايه عليكم سر وجهار = راعي الزراعه يقول السيل خير من السواني
عبدالله بن عتقان
فالصاله العامره يا صاحبي وش صار وش صار = قررتو شدادها للساحلي ولا العماني
انته طويل العمر والمشكله فطوال الاعمار = وطوال الأعمار تجفل يالعصيمي ما تداني
مستور العصيمي
ما صار غير الحقيقه والحقيقه حولها دار = لا عاد تطرد خلاف المقفيه يا مودماني
بغيتها فالبعير ابو سنام وجات فالثار = لكنّ يالله تسامحني على غلطة لساني
آخر تعديل رائد الكيرعاني القحطاني يوم 19-Nov-2010 في 09:10 PM.