..
.
مساكم الله بالخير جميعاً .. تواصلاً مع هذا القسم .. إليكم : 
حث الخطاوي على درب الشقا والعذاب = ترى البخت .. [ ماش أحد ] .. والوقت .. [ مافيه خير ] .!!
من يوم كحل خطا الايام عين الصواب = لاتحسب النقص من شأن المقام الكبير!!
والشرهه الثابته ماهي على كل باب = حملٍ يليْن من الشدة عظام البعير!!
شريت خوتك ياحضرة جناب الغياب = ولاصك باب الغناة الا نصيب الفقير!!
رح قل لليلى ترى قلبي من الهم طاب = ولاباقي من الجروح الا جروح الضمير!!
وان شاقها النوّ واغرتها بروق السحاب = ما للامل في رجوم اليأس طيرٍ يطير!!
مدري بعد ملحها في بحر تسعين ذاب = والا بعد ما انتهى عمر الغرام القصير!!
وان كان مالت عناقيد الزعل والعتاب = يسدني عن ظلال الصمت حر الهجير!!
الكلمة اللي تجسد مايشيل الكتاب = [ماانتي بمثل البصيرة ياعصاة الضرير]!!
حلمٍ من الماء وعلمٍ فالنواظر سراب = حدد له الواقع الملموس وقت ومصير!!
والحسبة اللي تصفي فالقلوب الحساب = ماظن في صوبها وجه الزمن يستدير!!
.
.
وسلامتــــكم