أخواني هنا في منتدى قبيلة عتيبه الهيلا
هذه من الارشيف
للتواصل معكم
الـصـراحـه
الله يازين الصراحه ليت محبوبي صريح=قلت الصراحه واخلف الدنيا وغيَر ذوقها
والشعر قوتي وانت ملح القوت يالوجه المليح=يامزنة خيال القصيد ورعدها وبروقها
شاعر يشوفك مايقول الشعر بعيونك شحيح=أبي أكتب الأبيات واغني جميع اطروقها
شاعر فصيح.وشاعراً لا .شعبي وقلبه فصيح=ماكل معشوقه هواها من هوا معشوقها
الحرف ينطق ويتلعثم عندك يقوم ويطيح=وقصيدتي نخله ومعناها رطب بعذوقها
أكتب بك أبيات الهجا.واللا أكتب أبيات المديح=كل القوافي غاليه عندي وصدري سوقها
يازين أنا مرتاح والله يوم أشوفك مستريح=شوفك كفايه والحنايا فوقها اللي فوقها
خل الدوا عندك وخل السقم في قلب الجريح=والكبد لاتأوي لها حط الضما بعروقها
لوما أكتب أبيات القصايد يمكن أتألَم واصيح=ياليت للعشاق لجنه تكتفل بحقوقها
والمتهم منهم يحقَق معه ويقول الصحيح=ليش الوعود أخلف بها.ليش العهود ايبوقها
وسلامتكم
| التوقيع |
ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد
حراً يموت وحر بالجنحان ينهض بالمطير=حمل الأمانه لو ثقيله قدها يابو فهد
وصل بن وصل الله الثبيتي |