[طلال ناشي]

بعد التحية

أسعد الله أوقائكم بالخير

كان هناك تحدٍ بين وبين أحد الأصدقاء على من سيكسب لقب بطل خليجي 20

وبعد مبارة المنتخب السعودي مع المنتخب الكويتي الشقيق أرسلت له هذه الرسالة .

نشرتها في أحد المنتديآت الأدبية

فآز الكويت وجت على ماتمنيت = يامشجع الاخضر خسرت البطوله
حآولت في كسب المبآرة وزريت = وشلون تبغى شي منته بحولـه
لو تمن البنزين وتبـدل الزيـت = ماناصله عليك صعـبٍ وصولـه
واللي نطوله لوتجـر التناهيـت = تبطي عظـم قدامنـا ماتطولـه

وجاراها الشاعر / مقرن بن زقيع قائلاً

ياللي على المرقاب بالصوت زجيت = وتبا تعقد لك حبال محلوله
ليتك عدلت عن المناحا وتتقيت = ونقولك مبروك شعبٍ ودوله
لكن لياغنيت انا معك غنيت = وبركت واشتلت الحمل والحموله
حنا لنا الامجاد والفعل والصيت = يوم الليال المقفيات المهوله
نناوخ الحكام ونربي الهيت = ونرد حقٍ راح منك بسهوله

فأجت صوته قائلاً :

يامقرن الله لايهينـك بعـد جيـت = يامرحبآبـك والذلـول معقـولـه
حنآ نعرف أن الرجـال النعاتيـت = مايتركـون الـلازم أليـا عنولـه
وأنته بعـد عنيتهـآ ثـم تعنيـت = كلآمك اللي جيتبه ويـش هولـه
الشاعر اللي لانقض ماخصم بيـت = ماهوب قاضي دين لـو صفقولـه
وحكآم نجد مطوعيـن الطواغيـت = كم مسلمٍ شان الزمـن وفزعولـه
وأنا بفضل اللي حمى الدين والبيت = ماظاعلي حـقٍ وصلكـم رسولـه

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

آخر تعديل طلال ناشي يوم 09-Dec-2010 في 12:25 AM.