[علي فلاح العضياني]

المشاركة الأصلية كتبت بواسطة ابن سرحان الثبيتي

ياراكب اللي تحرجه دقت السلْف = ايكنها من عام الاول وذالحين
ليته يبدل له على الفين وتولْف = ويركب الّه في جنوبه جناحين
لكزس وجده صار كنكورد بالحلْف = حسب النسب لو ما يقره بن دخين
شربه من البنزين واكله من القلْف = واهوايته خرق النظم والقوانين
ياسايقه حده على اقصاه ثم الْف = على بن دبيان زبن المخلين
هاضتني ابيوت ٍ كتبها على إلْف = امحلجه قيفانها بالكوالين
الشاعر اللي ماشكى جفوة الولْف = ولا هو مشارك في سباق المزايين
شكواه من سوق الغلا والغلا كلْف = الا .. ليا جاء الضيف عند الكريمين
يوم الصبي تعرف عزومه من الجلْف = جده وابوه امقررين الموازين
ايلوم راع الضين والوضع مختلْف = وكل البلا من ناهبين الملايين
دام التجر قاموا يطبون بالشلْف = وايفرغون جيوبنا فالدكاكين
جعل البدو يقضون منهم ماهو بالف !! = الا الغنم تجلب لسوق البعارين

الله الله الله

صح لسانك يابو ريان

هكذا الشعر ولا بلاش


قافيه لا يكاد الكثير من الشعراء ان ببيت واحد


تقبل مروري + إعجابي بما تكتب

التوقيع

(( رأس الحكمه مخافة الله ))