[ضاوي الشيباني]

سبحانه اللي يخلق الناس من طين=اللي بسط سبع(ن)وسبع(ن)رفعها


الواحد المعبود خير الولييين=اللي عن الشينات خلقه منعها


ياللي تخيل الناس الاقصى والادنين=الناس مولاها لحاله جمعها


منته معدلهم على العسر واللين=خل الزروع مجمعه في زرعها


ورفيقك اللي هو وأنت متخاوين=حاول تشوف بصحبته وش سنعها


حده على بعض الدعاوي الى لين=أما مسك لقمته ولا بلعها


أن كان لجل يفيد نفسه وبعدين=يروح ماكن الصداقه شرعها


أعرف ترى مالك وراها مثامين=وابرك لك انك ماتجي في طمعها


ولاتستمع فالنم والمنطق الشين=اللي تدهور بالحكى من سمعها


حساد والحساد دايم ملاعين=ناس الحسد ماوفق الله سلعها


اللي تفرق بين شمل المحبين=ولاشافوا الجره حداهم تبعها


أبعد ولاتسمع كلامه بالاذنين=أنظر لهامات العلا وارتفعها


وراقب ولي العرش والناس ممسين=وأد الصلاه وكلمة الحق أطعها


ترى الغرور أكبر مرض لشجيعين=لاحل فالنفس التقيه قلعها


وأجلس مع قروم الرجال الميامين=جلسة ميامين الرجال أستمعها


تلقاء مجالسهم عوارف وواعين=وسوالف(ن)تمشي ولحد(ن)قطعها


تاخذ بها حكمه وعرف وبراهين=ويبعد شقى روحك وتنسى وجعها


وأرفع مقامك فالعلا يا أحمر العين=وناس(ن)تبيعك بابخس السوم بعها


بقلم/ضاوي عبدالله العتيبي