هذه القصيده بمناسبة فوز حمود بن هليل العصيمي في مزاين الابل في ام رقيبه لهذا العام 1432
يابن هليل فزت والفوز عادتك=عرضتك مثل سهيل كل ٍيشوفه
ذودكتشرف فالمزاين مسيرتك=وسيرتك ياسمح الحجاج معروفه
فوزك يشرفنا وشرف قبيلتك=حتى ايش لو كثرت عليك الكلوفه
دنيا تقدمها وترفع مكانتك=ودنيا توخرها ماهيب مخلوفه
تفرح لك قلوبٍ تفاخر بعزتك=وتغيض من ياكل صدا الحقد جوفه
والى بنيت البيت جولك جماعتك=واللي يصب الكيف واللي يحوفه
واللي يباري الذود ويشيل رايتك=واللي يقطع من غلاها كفوفه
ويعطرون بطيب الاخبار جلستك=واللي يجيك وكنت ودك تشوفه
يازين جمعتهم على هيل دلتك=الى نام خطوا الاش وادفا كتوفه
والبل راس المرجله عند هقوتك=ادحم بها المحفل وفرق صفوفه
جرد الرقاب اللي غشتها محبتك=ترعابها قفراًتمايل قطوفه
من حبها تبعدك عن قرب ديرتك=واللي عداها ماتهمك ضروفه
مانيب وامرك انت في يدك ومرتك=اكحل بها عين العدو واعم عينه
واسلم وسلم لي على خشم ناقتك=ام السبال المرتخي والخفوفه
واخير من هاذي وهاذيك طاعتك=للي خلق خلقه وقدر وصوفه
وختامها مني صلاة بحضرتك=على شفيع الخلق فاصعب وقوفه