الورقة 60
نحتّلـك ياملهـم الشعـــر حرفيـــن=في صخـرة احساسـي بمعـول حنينـي
ولونتهــا مـن سايـل فالشراييـــن=باسْمـك ورسمــك وسمهــاياظنينـي
ان قلت ياحرفي تمهّــل علــى ويـن=قــال الـورود اليانعـــة تهتوينــي
قلت اثقل احبابـك تراهــم ثقيليـــن=وقلوبهـم مثـل الصخـر ماتلينــــي
قال الظبي يجفل ولو ترمـش العيـــن=يخشى سهام اهل الـردى الحاسدينــي
لاتلومني فاللي حروفــه بساتيـــن=محفوفـةٍ بالـفــل والياسميـنـــي
ان هبت النسمـة تفـوح الرياحيـــن=والزهر والروض الخضــر يحتويـنـي
انـا نويـت اخلّـــده فالـدواويـــن=ايضاً و ابروز صورتــه وسط عينــي
واكتب له بلون الشفــق عشت يازيـن=حسبي علــى اللي حـال بينك وبينــي