ما ودي ابعد
ما ودي ابعد عنك لو كان لحظة = أصبر وصابر بين عسر(ن) وليني
قلبي ينادي لك مع كل نبضة = يقول أحبك كل وقت(ن) وحيني
رضى بك المفتون يا هن فرضه = وبنا لكم فالقلب حرزن(ن) مكيني
يحلم بكم في كل غفوة وغمضه = يشدني للزين شوق وحنيني
حظي تعلى فوجوده وحظه = في عيوني الثنتين حبي يبيني
لو الزمن بالحيل شده وعضه = صبر ورب الكون دائم يعيني
وما تصفي الأيام مضه ومضه = حلوه و مرة بين شك و يقيني
عقد الوفاء والطيب صعب(ن) نفضه = مدام منزاله برمشي وعيني
بقلم / فهد رحيم النفيعي