يسعد مساءكم وصباحكم .....
قصيده قديمه من الإرشيف موجهه لأحد الزملاء محبي القنص
أتمنى أن تروق لأنظاركم ومسامعكم :
يالزير سالم يامسا الخير يالزير=وشلون حالك يا أبيض الوجه قلي
وشلون وضعك وأنت تطرد ورا الطير=وتركض ورا المقناص حب وتسلي
تكفى يا أبو ليلى ليا مرك عصير=ظبي(ن) فريد ونادر الوصف قلي
عل وعسى ياصاحبي يمكن يصير=خل محله مبعد عن محلي
خل(ن) تنحى وأبعدته المقادير=في غيبته ماشفت شي يسلي
لو أوصفه تحتار فيه التعابير=والكامل الله ويش أوصف بخلي
متميز(ن) بالوصف منظر وتصوير=وزود(ن) على زينه يحب التغلي
ليا ظهر بين البني الغنادير=كنه قمر نصف الشهر يوم طلي