[محمد الذيابـــي]

هذه القصيده إهداء الى الشيخ/ عبد الله بن مصلح الذيابي شيخ قبيلة المشالحه من الذيبه من عتيبه
:

الوعد قدام ياراع الهروج المستحيله=مايداوي علتي يكود من يعرف دواها
وردوها هيت يابندر وظيعها الدليله=بيت أشهر من علم فوق الجبال لمن يراها
قلتها والحظ يلعب دور والطرقه طويله=والمراجل دربها معروف للي قد نواها
لو اطيع النفس يوم بعز وأيام ذليله=ماتركت الحبل فى الغارب وتلعب في هواها
الزمان الشين لن حدك على ناس هزيله=صرت هرجه للمجالس من عشيه في ضحاها
المراجل ماتهيا ياولد باهون وسيله=ماتهيا كود من ذاق المراره مع حلاها
وش حصيل الرجل منها لاتردى وش حصيله=ماستفاد الا عنا نفسه وحاله في شقاها
البخيل اللي ليا جوه العرب نفسه عليله=ويش ترجي من هذا دام اللوازم ماقضاها
حاربه ربي ورسله والكتاب أوضح دليله=صدق ماله حظ في دنياه لو يتعب علاها
جعل هذا النوع يقطع دابره والله وكيله=لين مايبقى مثيله فالمداين مع قراها
ياسلام الله سلام يشفي الكبد العليله=من ضمير مخلص بالصدق يفخر ويتباها
يم أبو مصلح عريب الجد كساب الأصيله=طيب نفسك من صفاتك جعلنا نكسب رضاها
أبو مصلح فاللوازم كل حمل يرتكي له=الكرم والدين والوجه البشوش وماسواها
جامع كل الصفات الطيبه مافيه ددحيله=ساق رجله للمكارم لين وصلت منتهاها
أحمد الله ماعلي خلاف والبارق نخيله=شيخنا خطل اليمين اللي غطى كفه نداها
جعل ربي يحفظه ويدوم عزه للقبيله=وانت تفخر بالقبيله ويتجدد لك ولاها
ياصليب الراي رايك نحتزم به ونعنيله=وكلمتك تشبه لحد السيف ماترجع وراها
ياهل رماح أرسلوه النا ونعطيكم بديله=خلو أم الدوم تفرح فيه وينور مساها
لو أبامدح فيك يوم وشهر وسنين طويله=حقك أكبر من قصيده والمشاعر محتواها

آخر تعديل محمد الذيابـــي يوم 04-Mar-2011 في 07:06 AM.