[منصور الثبيتي]

محاورة شعريه بين الشاعر عبدالملك بن غازي المنصوري والشاعر مطلق بن حميد الثبيتي


قال عبدالملك
كل راعي طيبه يجزى بطيبه = جعلكم تبقون والساير يســــير
رحمة المولى من عباده قريبه = قربت مطلق من العلم الوفــير

قال مطلق
ياثبيتي لن عوى ذئب لذيبـه = كلنا ناصلك فاليوم الكبيــــــر
والبعيده ساع ماعادت قريبه = مار لا تلبس لها الثوب الحرير

قال عبدالملك
النــــــهار القاسي الله لايجيبــــــه = إن دعتنا عندنا قاضي وأمير
وإن عرفنا المخطيات من المصيبه = ما يبى يغدي لنا حبة شعير

قال مطلق
إن تبعناكم على العوجا مصيبه= وإن تركناكم ماندري وش يصير
لو تعذر فيك شك وفيك ريبه = شفت في جيبك تمر مدري مضير

قال عبدالملك
كب راع العوج والمولى حسيبه = وأفطن العوجة رقبتك يابعيـــر
أعرف اللي يشتكي واعرف طبيبه = والمريض اللي رقد فوق السرير

قال مطلق
شايب وده يدور له مصبيــــه = يونس الطعنه على الضلع القصير
لن مشى فالدرب مافتشت جيبه = وأردعه لن شفت راسه يستدير

قال عبدالملك
مار ماخليتوا الشايب بشيـــــبه = جت من اتهامه الى وادي عســير
وأنت غنيت الك بطروق عجيبه = لو سمعها الطيــــــر والله مايطير

آخر تعديل منصور الثبيتي يوم 11-Mar-2011 في 12:54 PM.