[الطرفاوي]

المشاركة الأصلية كتبت بواسطة خلف القثامي

مايتبع هروج السفيه .. بذمتي غير السفيه
يعني على رأي المثل ( أعمى يقوده إمـّعه )


تبت يدين الإمعه .. واللي معه .. تبت يديه
بوق الدجل ، شيخ الجدل ، والسربه اللي تتبعه


فقيه علم البلبله ، بهلولهم ، سعـْد الفقيه
اللي يريد إصلاحنا ، أصل الفساد ، ومنبعه


تحشم سمو المملكه عن ما يقول ويدعيه
من يسمع علومه ، خبل لو عاد فكر ، يسمعه


والله ولا 100 سعد ، يهزنا ، بدري عليه
مازعزعوا حب الوطن .. زمرة فساد مجمّعه


حنا تحت أمر النزيه ابن النزيه ابن النزيه
اللي بذكره يحتمي بيت ، القصيد ، ومطلعه


لا قال ابو فيصل كذا .. قلنا : كذا من غير ليه
حنا الزناد اللي رفع صدره لضمة .. إصبعه


ناقف مثل صف الفشق بالمحزم اللي يرتديه
من لا ارتدع عن دارنا .. أدنى حدينا ، يردعه
الدار نخلة دونها .. سيفين ياحضرة فقيه
(الشرع) ثم (آل السعود)... وغيرهم مانتبعه


مايتبع هروج السفيه .. بذمتي غير السفيه
وانتم .. مثِل قول المثل .. ( أعمى يقوده إمعه ) ]
الشاعر : خلف المشعان العنزي

تسلم على النقل ياغالي ,وصح لسان الوايلي