[ناصر المرشدي]

للتواصل

استقليت مركب حلمي اللـي غدابـي=من رحاب البدايـه مملٍ فالنهايـه
مادريت اني انقل ضيقتي في زهابـي=اضهر اللي بصدري وابتسم للمرايـه
لين حمل الزمان اعيا عزايم ركابـي=وغابت الشمس عني من خلاي بخلايه
كل مابديت سر اللليل ليلـي سرابـي=وكل ماغاب نجم من السماء قلت تايه
كم تشيل الليالـي للعـرب فالمخابـي=وكم يعاكس هوى صبح الليالي هوايه
السوال يحيابـي والجـواب يحيابـي=والخطا هو خطاء الاثنين والا خطايـه
ياكثر ما انفعل واطـق نابـي بنابـي=واتحمل مابـا الايـام تبحـث خفايـه
هقوتي فالجناب اللي يصافـح جنابـي=يوم رزيت له بين المحاديـب رايـه
مرخصِ فلة حجاجـي وفلـة كتابـي=قدم وجهن يغير وجهته مـن ورايـه
ويش ابا بالمحبه من لسان المحابـي=لعترها وسيلة ضرف ماهيـب غايـه
ياخسارة دقيقه مـن دقايـق شبابـي=كان ماليبها من وقت عمـري هدايـه

وسلااامتكم

التوقيع

nasser1-9@hotmail.com http://www.facebook.com/profile.php?id=100002473132393 twitter@nasseralmarshde

آخر تعديل ناصر المرشدي يوم 28-Mar-2011 في 01:04 PM.