بسم الله الرحمن الرحيم
الحمد لله و الصلاة و السلام على اشرف خلق الله محمد ابن عبدالله
.. لله .. مأعطى و .. لله .. مأخذ ..
وكلنا راضين بقضاء .. الله .. وقدره
.. وهذه قصيده للشاعر : محمد بن مطلق بن حمود الدغيلبي .. رثاء ..
.. للمرحوم له .. بإذن الله سبحانه وتعالى
عبدالرحمن حمدان الدغيلبي
( ابو مشعل )
هاض الخفوق و فاير الدمع صباب =والهم من بين الضماير كواني
واسباب ماجاب التوتر فالعصاب=وللي على نظم القصيده حداني
فرقاك يالي بالغلا فاق الاصحاب=ياموفين حق الخوي و العواني
يالي لك البيضا على راس مرقاب=يافزعت اللي دار وقته وشاني
يوم المراجل متعبت كل طلاب=صارت لك اطوع من عسيف العماني
يشهد عليه احباب و اصحاب و اجناب=يامجرّيٍ قلب الضعيف الهداني
اقفيت عنا و القضا جاله اسباب=و ما قدر الباري على العبد كاني
و جددت بي جرحن تحير به الاطباب=جرح سقط بين الظلوع المحاني
كم ودعت عيني مظانين و احباب=و غارات بقعا سابقتها ثواني
كم راح من صكاتها روس و اشناب=من عقبهم قلبي وهو مايداني
واليوم انا اودعك ياحصان الاطلاب=كني مودع واحد من اخواني
ولالي عن اللي قدر الرب مجناب=راضي بقسمة ربي الي عطاني
مير احتسب بالصبر من رب الارباب=يخلف علينا في المصايب حساني
وادعيلك اللي للمخاليق تواب=يجعل مقرك في وسيع الجناني
ويفتح لقبرك في ذرى جنته باب=ويعطرك بالمسك والزعفراني