[محمد الذيابـــي]

اهداء الى الشيخ الفاضل / غزاي بن عارف الذيابي شيخ الوطحه من الذيبه حفظه الله وشافاه

هاض القصيد بصادق القول القول بمبداي=وانا لك الله فيه شيٍ ببالي
ياديرة ام الدوم وش لون غزاي=ردي علي وثمني في سؤالي
ماباس ياللي تفتل الشور والراي= وانت الذرا للناس وانت الظلالي
ياتاج راسي ياحزامي ومنصاي=ياطيب المجنى عمام وخوالي
كلن يبا يشهد على صدق معناي=والخافي أعظم يارفيع المعالي
الضيط وبن حميد وعيال عصاي=وابن ربيعان قال ياهملالي
وبا العلا قد قال ذا حاتم الطاي=وايضا العطاوي شاهدٍ بالفعالي
وابن محيا قال ماهوب يخفاي= ولا يختفي نجمٍ برز بالعلالي
الجود قال انه خذا من مزاياي=حيثه كريم ولا يحسب الريالي
ادعي له الله في صباحي وممساي=انه يحفظه للعرب والعيالي
والشيخ ضيف الله ذراعي ويمناي=ياطيب ذكره كل ماجا مجالي
ياسيفي البتار لن كثرو عداي=الله يجيرك من صدوف الليالي
عساي ماقصرت بالقول عصاي=وان كان به تقصير مابه كمالي

تحيتــــــــي

التوقيع

التوقيع محمد الذيابـــي

آخر تعديل محمد الذيابـــي يوم 06-Apr-2011 في 03:26 AM.