السلام عليكم ورحمة الله وبركاته
لتواااصل معكم طعم آخر..
متواااضعه اهديها لقلوبكم الطاهره
حتيش لو(إ)ن الليالي حدتني=عن غايتي كل(ن) بيلقا نصيبه
اشتال حمل الوقت من فوق متني=واللي يجيبه رب رزقي يجيبه
دام الكرامه فـ الزمان احكمتني=الذل والله مااتنحا شعيبه
بصراع الدنيا ولوهي قوتني=ياعنك ماني معترف بالغليبه
اضحك ولوهي بالشقا ضحكتني=واليأس هو ضعف المحنك وعيبه
الصبر زين وطرقته علمتني=على تفاصيل الحياه العجيبه!!
ومن خزنة اموال الضفر شرهتني=اللي يكفيني عشان اغتنيبه
ومن جمة ابيار الفهامه سقتني=وحكمت عقلي فالأمور الصعيبه
يوم الطرايق لردي مررتني=مااحترت في رد الخساسه بطيبه
فعلة ردي العرف ماضيقتني=لن الرخامه منه ماهي غريبه
استلتها فالصدر ولاغوتني=اعرف مقر القصد وأعرف قليبه
الشاعر/عناد الشيباني