لا يازمن بينت فيني مواريك=في كل يوم اشوف منك العجايب
واللي مايظهر قلبه من الشرابيك =معاد يظهر لا حوته النصايب
ايامنا ذا الوقت مثل التماتيك=وتشتت الخلان قبل القرايب
الموت حق مادخل فيه تشكيك=لكن وين اللي يحث النجايب
يبذر ويترك عنه درب الصعاليك=اللي ماغير يراوزون الهبايب
وان هب عاصوف الخطر مالهم فيك=نظره ولايمك تسوق الركايب
اللي مثل ذا لاترافقه يوذيك=حيث ان ذا مثله قريب حظايب
رافق رفيق كل ماذكر طاريك=يثني عليك ويرتكي للنوايب
والا ترا الدنيا لاذيه ولاذيك=دنيا الفنا فيها غدينا نهايب