[عبدالرحمن العقيلي]

بسم الله الرحمن الرحيم

جــاهــل ولا تــفــهــم

الا؟ بدا منك الخطا والقدم زل=ثم ضاق فيك الكون عرضه وطوله
وفي خاطرك كلمه تبى تقولها قل=واللي يضيق خاطرك لاتقوله
لاتتعب اركابك تدور على حل=المشكلة من قبل تبدا امحلوله
لانك بديت بعذر من قبل تسئل= وفّّيت لو ان الوفا منت حوله
ماكل حملٍ يمكن انك تحمل=ولاكل فعلٍ قادر انك تطوله
لو كان كل اللي تمناه يحصل= يمدي فريق النصر حقق بطوله
وش ينبغى في شجرةٍ مالها ضل= وفي ماطرٍ ماسر غرسة هطوله
الموت حق وقاتل النفس يقتل=ومن شق جيب الناس شقوا هموله
منت بزعيم تضايقك كلمة ارحل=لو كان تمسي كل ليله بدوله
جاهل ولاتفهم وانا منك واجهل=اثنينا عدنا للسن الطفوله
ترسل على مرسل وانا مثلك ارسل=ولاكل مرسل يستجاب لرسوله
قبلك رجالٍ كانت الكل بالكل=ميلّ عليها الوقت عثرة ميوله
كم شاربٍٍ بعد العلا والترف ذل=بلمحة بصر ماعاد يسوى نعوله
خّير بعشر دورب واختار الاسهل= في موقفٍٍٍ عيت تشيله رجوله

[/frame]