السلام عليكم ورحمة الله وبركاته
إهداء لمنتدى الهيلا زوار وأعضاء
سريتها والسحاب يسل براقه=البارق االلي عباة الليل فتقها
على طريق الحجاز النفس تواقه=من خلفي العاصمه بالدرب فاهقها
تقويم عمري تنثر خلفي اوراقه=وانا رهين الهموم ازريت افارقها
ماعاد من بعد رابع عقد لي طاقه=لوكنت ثاني وثالث عقد طايقها
الصدر طول الزمن سكانة اعماقه=صكات الايام تاليها وسابقها
واللي يعيش بمكان وضيق اخلاقه=لوعات صدره مع البيدا يفرقها
والله لولا الذي باسبابي ارزاقه=اللي بلعبه مسراته نحققها
لاغيب غيبه لها الخطوات سواقه=عن ضيقة الصدر اغربها واشرقها
وش حيلتي غير هجر الجمع وفراقه=دام المجالس عصا الديان فاسقها
نياتنا بالوفا والناس بواقه=واهل الحسد بسمة المسرور تسرقها
نادر بن محمد بن طريخم