صبحكم الله بالخير يالربع ..،
ياصاحبي ماعاد في راسي علوم=علومنا تنخش تحت الوسايد
خربتها ياناقض الشهر واليوم=خربتها ياناقضي بالوعايد
عند المصالح صرت صادق وملزوم=بالصحبه اللي معرفتها نكايد
خصيمي اللي بالمواقيف مهزوم=خوّته عندي كلبوها فوايد
وانته بوقت اللين تعطيني هموم=كل ليله(ن) ياصاحبي اتزايد
ماكنّك اتصلي ولا كنّك اتصوم=حالتك لا معنا ولانته محايد
ماغير تكرهني وانا فيك مهيوم=الله يجبر حالتي بالقصايد
اعاملك مثل الذهب غالي السوم=وانته تعاملني سوات الجرايد
ريال فوق ريال واعطيكم علوم=كنّي سوات الجند لاجاك قايد
لاجيتني كنّي عن القول محروم=لساني مربّط بثقل الحدايد
لكن عرفتك واتضح عندي اليوم=اعرف دواك اللي يجيب الحمايد
لاجيتني ماني بشوفتك ملزوم=اعطيك سمّ العشق وقت الفوايد
وسلامتكم والسموحه على القصور