الهيـــــــــــــلا *** منتدى قبيلة عتيبة - عرض مشاركة واحدة

سعد المسـعودي · 09-Sep-2011, 02:08 PM

اقتباس:

المشاركة الأصلية كتبت بواسطة مرزوق حمدان العتيبي


	.. . هاصلوا على النبي (اللهم صلي وسلم على عبدك ورسولك محمد) .. ياخوان من مالاشك فيه ... ان كل شاعر في مثل هذه المسابقه مسابقة شاعر المليون .... يجتهد ويستنفر كل قواه الشعريه .. في سبيل اظهاره نص فاخر يصل به الى الهدف المنشود ... وعندما يشاد به ويحصل على ماسعى اليه .. فمن حقه ان يبتهج ويفتخر وهو حق مشروع له .. لكن.. الظلم كل الظلم ...والقهر كل القهر ..ان يجتهد الشاعر.. ويقدم نص من اروع النصوص وانفسها .. معنى ومغنى ... وتفرد .. تفاعل معه الجميع فالمسرح.. وخلف الشاشات .... ثم يبخس حقه وينسف مجهوده جهاراً نهارا .. بأنتقاد اعتبره افساد... يدل على جهل وحمق عضو اللجنه العميمي وتغطرس وحقد غسان ... هذا ماحصل بالتحديد .. في الحلقه الماضيه للشاعر الفذ المتمكن سعود الحافي.. فعلى الظالم من الله مايستحق.. ... على العميمي قامت ابروق ورعود= والناس كلّ ٍ له يلوم ويهبي هبيت ياوجه ٍ عن الحق مصدود = بالله يالمعتوه وين امتربّي؟ عارضت شرع الله ولا نته ابمحدود = من معتقدك ادخل على وجه ربّي! ايدك ابو لغبوب وقلوبكم سود = على الشجاع اللي عن العرض ذبّي انشهد انك طيّب الشعرياسعود = من طيب شعرك ظهّرالمستخبّي شعرك جميل ولا يجي فيه منقود = تبت يدين اللي بينقدك تبّي مثل النمر وقفت في ليل مشهود = وجبت الكلام اللي للاسقام طبّي ماقلت غير الصدق والعالم اشهود = لو الحسد بقلوب الاثنين دبي هذا كلام الحق والحق معدود = قدم العرب بيّن ماهوب امتغبي يالله يامعبود ياخير معبود = ياللي لك اعبادك تطوف وتلبي يافارج الضيقات عن كل مضهود = وياللي على امرك وابل الغيث صبي انصر هل التوحيد واخذل هل الزود = اللي على دروب الجهاله تطبي واحفظ بلدنا من حسد كل حاسود= ,والامن جعله دايماً مستتبي

الشاعر المتألق : مرزوق بن حمدان العتيبي

أبدعت بل وصدقت .. كيف لا .. وأنت من قال :

ماقلت غير الصدق والعالم اشهود = لو الحسد بقلوب الاثنين دبي
هذا كلام الحق والحق معدود = قدم العرب بيّن ماهوب امتغبي

... والشاعر : سعود الحافي ..
كالنار برأس العلم ..
شاعر له وزنه الأدبي .. نتفاخر به جميعاً ...

... وبخصوص شاعر المليون ..
فالحقيقة ورغم ماله من سلبيات كثر ...
إلاّ أننا لاننكر بإن هناك شعراء ...
تعرف عليهم الجمهور من عبر بوابته ..
وأما أليـته .. وأعضاء لجنته ..
أكيد كل شاعر يقدم ويعزم على المشاركة بأحد نسخه ..
لديه المعلومه الكافيه .. عن ألية التحكيم به وضعف القدره التحكيميه فيه ..

أخيراً لأقول .. إلاّ صح لسانك وأبيض وجه لاعدمتك من شموخ
وشاعر جزل ..

أحترامي

أخوك : الحرالأشقر

التوقيع