[منصور تراحيب الشيباني]

يقولون انتخب رجال قلت أفكارنا حرة=وانا صوتي حسب فكري ولا اسمع هرجة الهراج
انا ماني مرشح من يحط البشت والغتره=ابرشح مليح فوق خده يركب المكياج
ابو مكياج اله هيبه وكل الناس تحت امره=وابو غتره يجي عندي ويسرح في ثلاث نعاج
ابو غتره سنين طوال مات الشعب ما سره=وابو مكياج حسب الظن يمكن ينصر المحتاج
ابو مكياج يرحم لو لقي مسكين ماضره=وابو غتره على المسكين قلبه مثل لون الصاج
ابو غتره يخاف من السباع البرق تجتره=وابو مكياج يلقى من طريقه يفرشه ديباج
هذا قول نقلته من كلام اليوم عن بكره=وبين اليوم وامس وبكره العالم تموت افواج

منصور تراحيب الشيباني (ابو عون)

آخر تعديل منصور تراحيب الشيباني يوم 28-Sep-2011 في 09:38 AM.