[متعب الند]

ياراكبين الدوج الابيض وماشين=دوجن جديدن لطرق مشترينه
من نوع اتشارجر والعلامات قرنين= وجه الوعل في مقدمه سامرينه
تلفو ن أمير مرجحين الموازين=عبدالله زبون الي حياته رهينه
ساس الفخر والجاه منول وهالحين=شيخن جنابه للعقد ذاخرينه
وقولوا ترانا عيال ريف المعنين = ريف الرجال الي من البعد عانينه
سيف ابن شامي صحيب الرباعين=ياما وياما لفو حلته ناحرينه
مع أمير روق انا حقوق اوبراهين=ومع روق المساء فعلنا عارفينه
وقولوا لبو ماجد زبن المجنين=الجاه جاهه فزعتن طالبينه
عند السعود الي تروس الملايين=اهل الحكم والدار سيوفن شطينه
عيال الموحد محتمين الحرمين =معازيب شيخن والرجاء محترينه

آخر تعديل متعب الند يوم 10-Oct-2011 في 01:25 AM.