[عناد الشيباني]

السلام عليكم ورحمة الله وبركاتـة

اعضاء وزوار هذا الصرح الشامخ

يسرني التوآصل معكم بهذه المتواضعه


عسا ان تنال على رضاكم

وجدي على اللي صاحبه مايغبط اصحاب البنوك=بين المواتر يعجبك من موخره لامقدمه
فكسار لاند كروز تصميمه من الغرب محبوك=ياسايق الفنجال الاول سقه للي صممه
يستاهل الفنجال لو صيته تمثناه الشكوك=افادنا يوم الله المعبود بالعلم الهمه
صدر لنا اللي داخليه مثل صالات الملوك=من كل شيٍ بالحرير وبالجلود مفخمه
لاجيت في غمارته كل المخاليق احسدوك=يرتاح بالك لو شقى الايام صوبك سهمه
والبدي اله وصفٍ من التعجيز تجذبه السلوك=من فوق رجم الجوده العليا ركز غصب علمه
اصغر عياله رنج روفر والسفاري والبيوك=والجمس من بعده وجوده مايباعد لعدمه
كن اشتغاله صوت عذرى(ن) قالو الناس اسمعوك=ثم اقصرت في صوتها مابان غير الهمهمه
واليا درج يشدي هنوفٍ حازت كبار الصكوك =بالزين ثم قامت تغنج للذي به مغرمه
اليا نهمته من قهر ماقلت له يالعنبوك=كنه مبرمج لك على قوتك متى ماتنهمه
واليا طلبته زود سرعه جاوبك بالعزم دوك!!=انا اشهد انه موتر اللي قام شوقه يزهمه
يازين مشيه في ديارٍ ماتطوقها الشبوك=كل(ن) يريح خاطره من وين ماسج اقدمه
اليا سقاها الوسم ثم خلا معابرها اصكوك=بالسيل يوم ازتاد همال المزون المظلمه
ثم صار جو(ن) من جماله يجعل الضايق ضحوك=والبنتب طلعه بان ..والله بالرشاريش ادعمه
واليا انشدو قالو من اقصى الحره اليا اقصى تبوك=كل(ن) بحمد الله وفضله شبعت ابله واغنمه
هاذي طرات العمر والدنيا بها زل(ن) وشوك=وكل على النوعين لابده بياطى بقدمه

..وسلامتكم

آخر تعديل عناد الشيباني يوم 17-Oct-2011 في 07:41 PM.