اشوف واسمع واتشرف ليادعيت...
.بسم الله الرحمن الرحيم.
هذه القصيده تعبر عن مافيها.
اشـوف واسمـع واتشـرف لـيـا دعـيـت=مـن ربـعـي الوافـيـن والا الاصاحـيـب
واحفظ لساني خوف من قولة اخطيـت=وادراء الكلام اللي بـه الشـك والريـب
واشفق علـى رفقـة رجـالاً لهـم صيـت=على الشرف ماهـم علـى سيـرة العيـب
وان دك فـي صـدري هجوسـاً ومليـت=لجـيـت لـلــي يـعـلـم الـســر والـغـيـب
وذكرت ربي كل مااصبحـت وامسيـت=بأسـم الكريـم ومـن دعـا الله لـه مجيـب
ولــيــا بــدالــي لازمـــــاً مـاتـوانـيــت=ادرج خـطـاء رجـلـي برفـقـاً وترتـيـب
وابنـي ثقـت نفسـي مثـل ماابنـي البيـت=واسـيــس المـبـنـا بحـكـمـه وتـهـذيــب
ولاقــول انــا ياحـيـف لـــولأ ويـالـيـت=أخـذت لـي خبـره مـن أهـل التجاريـب
ولوشفت غلطة صاحبـي عنـه صديـت=مانـي مــن الـلـي يلحـقـون المشاهـيـب
واجزاءهل المعروف في مثل ماجزيت=حـسـب السـلـوم الطيـبـه والمـواجـيـب
واحـفـظ حـقــوق الـجــار ولأتخـلـيـت=عـن واجبـي ماجنـب الــدرب تجنـيـب
ولـيــا نـصـانـي عـانـيـاً فـيــه حـيـيــت=واقابـلـه فــي كـــل قـــدراً وتـرحـيـب
ولاجالـس اللـي شانـهـم نبـشـة المـيـت=الـلـي هدفـهـم بــس حــش العـراقـيـب
وحـزامـي الـوافـي لـيـامـن تـعـزويـت=ربعـي ضلالـي عـن سمـوم اللواهـيـب
ومـن عـاش بالدنيـا علـى قــول هبـيـت=أخـيـرلـه لـوكــان بـالـكــون مـاجـيــب
ولاتـاتــي الإيـــام فـــي مـــا تـمـنـيـت=وحكـم القـدر مـن عنـد ربــك مكاتـيـب
وصحيـح لـولأ الليـل مـا يصنـع الليـت=ولـولأ الخطـاء ماحـط شرعـاً وتـاديـب
وتقبلو ا خالص تحياتي....