[سعد المسـعودي]

نص متواضع إهداء لطهر قلوبكم :

..

ياالله يامجري نســـــــــــايم مهبّه =آمنت بك رب المخاليق ربّي
القلب مافاده حريص وتنبّه =مغلوب غلابه وأنـا من غلبّي
العلم ماهو لبس ثوب ٍ نصبّه =ولاهي تحت ملكي ولاجوف عبّي
ياقلب شوري والنصيحه تكبّه=لايجرفك تيار غيري وذنبّي
يامشعل ٍ قلب الهداوه مشبّه =والجمر في صدرك ونارالمشبّي
وادي رضاي اللي يضيق بمصبّه=ينحي بشمسه شرق وأنا غربّي
وش حيلة اللي حب قلبه نشبّه=ماهوب ملك ٍ له ولاله ملبّي
شربت من كأسه وغيري شربّه=ومن طيب فال الحظ قام وعثربّي
الطب عاجزفي تقارير طبّه=عن حالتي واللي وراها متخبّي
أحترت أنا وشلون وإن جيت أشبّه =أحير من واقع وأكابر وأغبّي
ينتابني نشوة غرام لمربّه =وأقول يابارد هوى النود هبّي
من قال لي مجنون ربي وربّه =واللي قراني عرف عينه كتبّي
لامرني طيفه وفكري ذهبّه=فزيت لمحياه وأضحك وألبّي
على درك حوض المنيه وردبّه=مدري ضحية وقت ولا لعبّي
لاصار موت الروح للي تحبّه=في سلطنة حكمه فداء لانذربّي
ترحل بي طيوفه وتبحر مغبّه=وأتعب لـه من العين دمع ٍ تعبّي
أنا حطب نارك دفاء وأنت شبّه =وأقرب ذراك العوج نار المشبّي

..



.



الحرالأشقر

التوقيع

آخر تعديل سعد المسـعودي يوم 02-Feb-2012 في 02:44 PM.